ព័ត៌មានជាតិ
ក្រុមការងារប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត ចុះសួរសុខទុក និងនាំយកថវិកាដល់មន្ដ្រីកំពុងសម្រាកព្យាបាលជំងឺ
បន្ទាយមានជ័យ៖ នៅថ្ងៃអង្គារ ០១រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១១ ខែតុលា ឆ្នាំ២០២២ ក្រុមការងារប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានចុះសួរសុខទុក និងនាំយកថវិកាផ្ដល់ជូនមន្ដ្រី ដែលកំពុងសម្រាកព្យាបាលជំងឺនៅគ្លីនិកឯកជន មួយកន្លែង នៅក្រុងប៉ោយប៉ែត។
ដោយមានការយកចិត្តទុកដាក់ខ្ពស់ចំពោះសុខទុក្ខមន្រ្តីក្រោមឱវាទកន្លងមក និងបច្ចុប្បន្នលោកឧត្ដមសេនីយ៍ត្រី អ៊ី ចំរើន នាយប៉ុស្តិ៍ បានចាត់បញ្ជូនក្រុមការងារតំណាងឱ្យប៉ុស្តិ៍ចំនួន ០៤រូប ដឹកនាំដោយលោកវរសេនីយ៍ឯក វ៉ាន់ ប៊ុនថា ឋាននាយរងប៉ុស្តិ៍ ចុះសួរសុខទុក្ខ និងនាំយកថវិកាចំនួន ១,០០០,០០០រៀល ផ្ដល់ជូនលោកវរសេនីយ៍ទោ សៀង អ៊ិន អត្ថលេខ ៣៦០៩៩ ឋាននាយរងប៉ុស្តិ៍ មានជំងឺរលាកពោះវៀនធំ ដែលកំពុងសម្រាកព្យាបាលនៅគ្លីនិកឯកជនមួយកន្លែង នៅក្រុងប៉ោយប៉ែត ខេត្តបន្ទាយមានជ័យ ៕