ឯកឧត្តមស្នងការ ព្រមានពីពេលនេះតទៅនាយប៉ុស្តិ៍នគរបាលរដ្ឋបាលទាំងអស់ទទួលខុសត្រូវទាំងស្រុងចំពោះថ្នាក់ដឹកនាំក្នុងករណីដែលមូលដ្ឋានរបស់ខ្លួនកេីតមានករណីល្បែងស៊ីសងខុសច្បាប់និងករណីគ្រឿងញៀន
ខេត្តបាត់ដំបង! នាព្រឹកថ្ងៃទី១៩ ខែកញ្ញា ឆ្នាំ២០២២នេះ ឯកឧត្តម ឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង បានដឹកនាំកិច្ចប្រជុំផ្សព្វផ្សាយពីលទ្ធផលនិងកិច្ចប្រតិបត្តិការរបស់កងកម្លាំងនគរបាលទូទាំងខេត្តបាត់ដំបង ក្នុងរយៈពេល៩ខែ ឆ្នាំ២០២២ និងផ្សព្វផ្សាយសេចក្តីសម្រេចលេខ៦២.ស.ស.រ.ចុះថ្ងៃទី១៦ ខែកញ្ញា ឆ្នាំ២០២២ របស់រាជរដ្ឋាភិបាល ស្តីពីការបង្កេីតក្រុមការងារបង្រ្កាបល្បែងស៊ីសងខុសច្បាប់គ្រប់ប្រភេទ ។
នៅក្នុងកិច្ចប្រជុំនាព្រឹកនេះដែរក៏មានការអញ្ជើញចូលរួមពីលោក លោកស្រីជាស្នងការរង អនុប្រធានផែន លោកនាយការិយាល័យជំនាញចំណុះស្នងការដ្ឋាន លោក អធិការនគរបាលក្រុង ស្រុក លោកមេបញ្ជាការវរសេនាតូចនគរបាលការពារព្រំដែនគោក និងនាយប៉ុស្តិ៍នគរបាលរដ្ឋបាល ក្នុងខេត្តបាត់ដំបងផងដែរ។
មានប្រសាសន៍នៅក្នុងកិច្ចប្រជុំនេះដែរ ឯកឧត្តម ឧត្តមសេនីយ៍ទោ សាត គឹមសាន បានសង្កត់ធ្ងន់បញ្ជាក់ហេីយបញ្ជាក់ទៀតថា ចាប់ពីពេលនេះតទៅ នាយប៉ុស្តិ៍នគរបាលរដ្ឋបាលទាំងអស់ទទួលខុសត្រូវទាំងស្រុងចំពោះថ្នាក់ដឹកនាំក្នុងករណីដែលមូលដ្ឋានរបស់ខ្លួនកេីតមានករណីល្បែងស៊ីសងខុសច្បាប់គ្រប់ប្រភេទនិងករណីគ្រឿងញៀនខុសច្បាប់គ្រប់ប្រភេទ ហេីយនាយប៉ុស្តិ៍ទាំងនោះគ្មានចំណាត់ការលេីបញ្ហានេះ ៕