សុខភាព
ក្រសួងប្រកាសរកឃើញ ករណីឆ្លងក្នុងសហគមន៍អូមីក្រុងហក់ឡើងខ្ពស់រហូតដល់៤៩៦នាក់
ភ្នំពេញ៖នៅថ្ងៃនេះ ក្រសួងសុខាភិបាល បានប្រកាសថា លទ្ធផលតេស្តដោយម៉ាស៊ីន PCR រកឃើញថា មនុស្ស ៥១២នាក់ទៀត ត្រូវបានឆ្លងមេរោគកូវីដ–១៩ ជាប្រភេទអូមីក្រុងទាំងអស់ ក្នុងនោះ ឆ្លងក្នុងសហគមន៍អូមីក្រុងហក់ឡើងខ្ពស់រហូតដល់៤៩៦នាក់ ។
ប៉ុន្ដែក្រសួង បានឱ្យដឹងបន្ថែមថា ថ្ងៃនេះករណីស្លាប់គឺគ្មាននោះទេ ។
បើតាមក្រសួងសុខាភិបាល ចំនួនមនុស្សស្លាប់ដោយសារជំងឺកូវីដ–១៩ បានកើនឡើងរហូតដល់ ៣,០១៥នាក់ ហើយគិតត្រឹមថ្ងៃនេះ ខណៈចំនួនអ្នកឆ្លងជំងឺនេះសរុបបានកើនឡើងដល់ ១២២,៩៥៥នាក់នៅទូទាំងប្រទេស។
ក្រសួងសុខាភិបាលបញ្ជាក់ថា អ្នកជំងឺកូវីដ–១៩ សរុបរហូតដល់ ១១៨,៩៦០នាក់ហើយ ត្រូវបានព្យាបាលជាសះស្បើយឡើងវិញ៕
