សមត្ថកិច្ចដកហូត និងបំផ្លាញសម្ភារៈល្មើសជាច្រើន ក្រោយបើកការបង្រ្កាបបទល្មេីសនេសាទ នៅបឹងទន្លេសាប

ខេត្តបាត់ដំបង! កម្លាំងប៉ុស្តិ៍នគរបាលរដ្ឋបាលកោះជីវាំង សហការ ជាមួយកម្លាំងចម្រុះនៅទីបញ្ជាការស្រាលថ្នាក់ខេត្តឈរជេីងនៅ ចំណុចកំពង់ភ្លុក បានចុះបង្រ្កាបបទល្មើសនេសាទខុសច្បាប់នៅបឹងទន្លេសាប ក្នុងភូមិសាស្ត្រ ឃុំកោះជីវាំង ស្រុកឯកភ្នំ ខេត្តបាត់ដំបង ។

កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៣ និង០០នាទី ថ្ងៃទី០៧ ខែកក្កដា ឆ្នាំ២០២២ នៅគោលដៅពីរផ្សេងគ្នា ដែលគោលដៅទី១ នៅចំណុចកោះផ្ទោល អូរអំបិលក្បាលស្រែ ក្នុងតំបន់អតីតឡូត៏នេសាទលេខ០៣ និងគោលដៅទី២ នៅចំណុច ក្រឡុកអាសារ៉ាយព្រែកស្ពត ក្នុងតំបន់អភិរក្សអតីតឡូតិ៍នេសាទលេខ ០២។

ជាមួយកិច្ចប្រតិបត្តិការខាងលើនេះដែរជាលទ្ធផលបានកាប់បំផ្លាញកំទេចចោល សាច់មងប្រវែង ២,២០០ម៉ែត្រ ,ឡុកសំរាប់ដាក់ត្រីចំនួន ១៣គ្រឿង, បង្គោល ៣៨០ដើម, អ៊ុយលូស្បៃមុងចំនួន ១៥មាត់ ,សាច់របាំងប្រវែង៧៥០ម៉ែត្រ។