David Beckham ​អតីត​ប្រធាន​ក្រុមបាល់ទាត់​ជម្រើស​ជាតិ​អង់គ្លេស ប្រកាស​បង្កើត​ក្លឹប​បាល់ទាត់​ថ្មី​របស់​ខ្លួន​ក្នុង​ក្រប​ខណ្ឌ​អាមេរិក Major League Soccer

135

បាល់ទាត់៖ ​David Beckham អតីត​ប្រធាន​ក្រុមបាល់ទាត់​ជម្រើស​ជាតិ​អង់គ្លេស ​បាន​ប្រកាស​ពី​ការ​បង្កើត​ក្លឹប​បាល់ទាត់​ថ្មី​របស់​ខ្លួន​ជា​ផ្លូវការ​ហើយ​ កាល​ពី​ថ្ងៃ​ចន្ទ​ទី​២៩ ខែមករា ​ម្សិល​ម៉ិ​ញ​នេះ​នៅ​ទីក្រុង Miami រដ្ឋ Florida សហរដ្ឋអាមេរិក​។

Beckham បាន​បញ្ចប់​កិច្ចសន្យា​លេង​អោយ LA Galaxy នៅ​ឆ្នាំ2014 ងាក​មក​លើ​ការ​វិនិយោគ​ទន់​បាល់ទាត់​ដោយ​ខ្លួនឯង និង​ទាក់​ទង់​បង្កើត​ក្លឹប​បាល់ទាត់​តាំងពី​ពេលនោះ​មក​។ ​យ៉ាងណាក៏ដោយ​ក្លឹប​បាល់ទាត់​ថ្មី​នៅ​មិនទាន់​ដាក់ឈ្មោះ​នៅឡើយ តែ​តាម​គម្រោង​ក្លឹប​ថ្មី​នោះ​នឹង​លេង​ក្នុង​កីឡដ្ឋានថ្មី​មួយ​ ដែល​អាច​ផ្ទុក​ទស្សនិកជន​បាន 25000នាក់​មាន​មូលដ្ឋាន​នៅ​ទីក្រុង Miami ខណៈ​ដែល​អតីត​ខ្សែ​បំរើ​ស្លាប​ស្ដាំ​របស់​បិសាច​ក្រហម Manchester United រូប​នេះ​សន្យា​ថា ​នឹង​នាំ​ក្រុម​អោយ​ចូលរួម​នៅ​ក្នុង​ក្រប​ខណ្ឌ Major League Soccer និង​ជា​ក្រុម​រឹងមាំ​បំផុត​មួយ​។

ក្នុង​ឱកាស​នោះ​ដែរ David Beckham ក៏​ទទួល​បាន​ការ​អបអរ​តាមរយៈ​វីដេអូ​ឃ្លី​ប​មួយ​ ដែល​រួមមាន​កូន​បួន​នាក់ និងភរិយា​របស់គេ Victoria Beckham តារា​ចម្រៀង​ក្នុង​ក្រុម Spice Girl រួម​ម​ជាមួយ Serena Williams, Usain Bolt, Jay-Z និង Jennifer Lopez ជាដើម​។ ​

សូម​បញ្ជាក់​លី​ហ្គ​បាល់ទាត់​អាមេរិក​ខុសពី​លី​ហ្គ​បាល់ទាត់​ប្រទេស​ផ្សេងៗ ដោយ​មិនមាន​ក្រុម​ដែល​ត្រូវ​កាត់ចេញ​នោះ​ទេ​។ ក្លឹប​បាល់ទាត់​ថ្មី​មួយ​ត្រូវ​មាន​គ្រប់​លក្ខខណ្ឌ​ដែល Major League Soccer ត្រូវការ​ដូចជាមាន​កីឡដ្ឋាន​ផ្ទាល់ខ្លួន, មាន​ទំហំ​ហិរញ្ញវត្ថុ​គ្រប់គ្រាន់​ជាដើម ទើប​មាន​សិទ្ធ​ទិញ​អាជ្ញា​ប័ណ្ណ​អោយ​ក្លឹប​ចូល​ប្រកួត​បាន​៕

ចំណែក