ឆ្លងចរន្តអគ្គិសនី បង្កជាអគ្គីភ័យឆេះផ្ទះ០១ខ្នងទាំងស្រុង នៅស្រុកសំពៅលូន

បាត់ដំបង ៖ ឆ្លងចរន្តអគ្គិសនីបង្កជាអគ្គីភ័យឆាបឆេះផ្ទះ០១ខ្នង បង្កការភ្ញាក់ផ្អើលដល់ប្រជាពលរដ្ឋក៏ដូចជាសមត្ថកិច្ចចេញអន្តរាគមន៍ពន្លត់នៅវេលាម៉ោង ២១និង៥០នាទី ថ្ងៃទី១០ ខែធ្នូ ឆ្នាំ២០២៤ នៅចំណុចក្រុមទី០២ ស្ថិតក្នុងភូមិកោះតូច ឃុំសំពៅលូន ស្រុកសំពៅលូន ខេត្តបាត់ដំបង ។

ករណីអគ្គីភ័យខាងលើនេះដែរបានបណ្តាលឲ្យឆេះផ្ទះ០១ខ្នង ទំហំ ០៨ម៉ែត្រ × ០៩ម៉ែត្រ ធ្វើអំពីឈើ ដំបូលប្រក់ស័ង្កសី ឆេះអស់ទាំងស្រុង រួមជាមួយសម្ភារខូចខាតរួមមាន  -គ្រែ ចំនួន០៤ ,ប្លង់ដី ចំនួន០៧ , តុ ចំនួន០៣ ,និងទូរទស្សន៍ ០១គ្រឿង ដែលមានម្ចាស់ឈ្មោះ  អ៊ុង ហ៊ល ភេទប្រុស អាយុ ៥៤ឆ្នាំ មានទីលំនៅភូមិកោះតូច ឃុំសំពៅលូន ស្រុកសំពៅលូន ខេត្តបាត់ដំបង ។

នៅក្នុងហេតុការណ៍គ្រោះអគ្គីភ័យខាងលើ ភ្លាមៗនោះសមត្ថកិច្ចបានចេញរថយន្តពន្លត់អគ្គីភ័យចំនួន ០១គ្រឿងក្នុងកិច្ចចុះអន្តរាគមន៍ ដោយប្រើប្រាស់ទឹកអស់ចំនួន០២រថយន្តផងដែរ ៕

ដោយ ៖ សាលី