នគរបាលស្រុកឯកភ្នំ ឃាត់ខ្លួនជនសង្ស័យម្នាក់ ពាក់ព័ន្ធករណីរក្សាទុកថ្នាំញៀន

បាត់ដំបង ៖ កម្លាំងផ្នែកប្រឆាំងគ្រឿងញៀនសហការជាមួយកម្លាំងអន្តរាគមន៍ នៃអធិការដ្ឋាននគរបាលស្រុកឯកភ្នំ បានចុះធ្វើការបង្ក្រាបឃាត់ខ្លួនជនសង្ស័យ០១នាក់ ពាក់ព័ន្ធក្នុងករណីរក្សាទុកដោយខុសច្បាប់នូវសារធាតុញៀន។

កិច្ចប្រតិបត្តិការខាងលើនេះធ្វើឡើងកាលពីវេលាម៉ោង ១៣និង០០នាទី ថ្ងៃទី៩ ខែធ្នូ ឆ្នាំ២០២៤ នៅចំណុចភូមិដូនទាវ ឃុំពាមឯក ស្រុកឯកភ្នំ ដោយបានឃាត់ខ្លួនជនសង្ស័យ ១នាក់ឈ្មោះ ប៊ុត សំបូរ ហៅ ខេត្រ ភេទប្រុស អាយុ ៣០ឆ្នាំ រស់នៅភូមិសួរអី ឃុំពាមឯក ស្រុកឯកភ្នំ ខេត្តបាត់ដំបង រួមជាមួយវត្ថុតាង ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំនួន ៦ថង់ សង្ស័យមានសារធាតុញៀន, ថង់សម្រាប់ច្រករំលែកថ្នាំញៀនមួយចំនួន និងទូរស័ព្ទដៃចំនួន ១គ្រឿង។

ក្រោយពីឃាត់ខ្លួនជនសង្ស័យនិងវត្ថុតាងត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុកឯកភ្នំ ដេីម្បីកសាងសំណុំរឿងបញ្ជូនទៅការិយាល័យជំនាញចាត់ការតាមនីតិវិធី ៕

ដោយ ៖ សាលី