ឃាត់ខ្លួនជនសង្ស័យ ០២នាក់ ពីបទ ពាក់ព័ន្ធបទល្មើសគ្រឿងញៀន

បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកកំរៀង បានធ្វើការឃាត់ខ្លួនជនសង្ស័យប្រុសស្រីចំនួន០២ នាក់ពីបទរក្សាទុកនឹងជួញដូរដោយខុសច្បាប់នូវសារធាតុញៀន។

កិច្ចប្រតិបត្តិការខាងលើនេះធ្វើឡើងនៅវេលាម៉ោង ១០និង០០នាទី ថ្ងៃទី១០ ខែធ្នូ ឆ្នាំ២០២៤ នៅម្តុំផ្សារចាស់ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង ដោយបានឃាត់ខ្លួនជនសង្ស័យប្រុសស្រីចំនួន០២នាក់ ដែលម្នាក់ឈ្មោះ ស៊ូ ភេន ភេទប្រុស អាយុ ៣៩ឆ្នាំ មុខរបរកម្មករ និងម្នាក់ទៀតឈ្មោះ នាក់ សា ភេទស្រី អាយុ ៣៦ឆ្នាំ មុខរបរមិនពិតប្រាកដ ទាំងពីរនាក់រស់នៅភូមិដូងឃុំបឹងរាំង ស្រុកកំរៀង ខេត្តបាត់ដំបង។ 

វត្ថុតាងដកហូតរួមមាន ! ,១-ម្ស៉ៅក្រាមពណ៌ សថ្លា ម៉ាទឹកកក (ice) ចំនួន ០២កញ្ចប់ ទម្ងន់ ១,១៤ ក្រាម (ថ្លឹងទាំងថង់) ,២-ថ្នាំគ្រាប់ពណ៌ស្លាទុំអក្សរ(WY)ចំនួន ១២៤.៥គ្រាប់ ទម្ងន់ ១៣.២២ ក្រាម(ថ្លឹងទាំងថង់) ,៣-ប្រដាប់ជក់គ្រឿងញៀនចំនួន០១ ,៤-ថង់សំរាប់វេចខ្ចប់គ្រឿងញៀនមួយចំនួន ,៥-ប្រាក់ខ្មែរ ចំនួន ១០០,០០០ រៀល ,៦-លុយបាតចំនួន ១៦៦០បាត បន្ទាប់មកទាំងជនសង្ស័យនិងវត្ថុតាង កំពុងបញ្ជូនទៅការិយាល័យជំនាញខេត្តបាត់ដំបង ដើម្បីចាត់ការតាមនីតិវិធី ៕

ដោយ ៖ សាលី