រថយន្តធុនធំដឹកទំនិញមួយគ្រឿង បើកបរដល់ផ្លូវកោងស្រាប់តែក្រឡាប់ផ្ងារជើង

បាត់ដំបង ៖ រថយន្តធុនធំដឹកទំនិញមួយគ្រឿង បើកបរដល់ផ្លូវកោង ស្រាប់តែយោគបណ្តាលអោយក្រឡាប់ផ្ងារជើង បង្កការភ្ញាក់ផ្អើលនៅវេលាម៉ោង ១២និង៤០នាទី ទៀបភ្លឺឈានចូលថ្ងៃទី១២ ខែវិច្ឆិកា ឆ្នាំ២០២៤ នៅតាមបណ្ដោយផ្លូវហាយវេ ស្ថិតក្នុងភូមិកកោះ ឃុំអូរតាគី ស្រុកថ្មគោល ខេត្តបាត់ដំបង។

ប្រភពនៅកន្លែងកើតហេតុបានប្រាប់ថា រថយន្តធុនធំខាងលើ ជាប្រភេទវ៉េអងពណ៌ក្រហម ពាក់ផ្លាកលេខខាងមុខ កំពង់ចាម 3A-7876 និងផ្លាកលេខក្រោយ កំពង់ចាម 4A-2159 បានបើកបរដឹកទឹកផ្លែឈើអូរអិឈិ ទិសដៅពីជើងទៅ ត្បូង លុះដល់ទីតាំងកើតហេតុចំណុចផ្លូវកោង ក៏បានយោគក្រឡាប់ចាក់ចោលពេញផ្លូវតែម្ដង តែមិនបណ្តាលអោយមានគ្រោះថ្នាក់ធ្ងន់ធ្ងរដល់មនុស្សឡើយ។

ក្រោយពេលកើតហេតុ ដោយសាររថយន្តក្រឡាប់ខ្លួនឯង និងមិនបង្កអោយមានគ្រោះថ្នាក់ដល់អ្នកដទៃ និងមិនខូចខាតដល់ទ្រព្យសម្បត្តិរបស់រដ្ឋ ទើបខាងក្រុមហ៊ុនទាក់ទងរថយន្តស្ទូចមកស្ទូចរថយន្តដើម្បីយកទៅធ្វើការជួសជុលដោយខ្លួនឯង ៕

ដោយ ៖ សាលី