អាវុធហត្ថស្រុកភ្នំព្រឹក ឃាត់ខ្លួនជនសង្ស័យ០២នាក់ ពីបទជួញដូរសារធាតុញៀន

បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកភ្នំព្រឹក ឃាត់ខ្លួនជនសង្ស័យ០២នាក់ជាបន្តបន្ទាប់ពីបទជួញដូរដោយខុសច្បាប់នូវសារធាតុញៀន។

សមត្ថកិច្ចបានអោយដឹងថា កិច្ចប្រតិបត្តិការខាងលើនេះ ជំហានដំបូងធ្វើឡើងនៅម៉ោង ១០និង០០នាទី ថ្ងៃទី០៥ ខែវិច្ឆិកា ឆ្នាំ២០២៤ នៅត្រង់ចំណុចផ្លូវជាតិលេខ៥៩B ស្ថិតក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ដោយបានឃាត់ខ្លួនជនសង្ស័យ០១នាក់ឈ្មោះ ហឿត រ៉ីន ភេទប្រុស អាយុ៤០ឆ្នាំ មុខរបរកម្មករ រស់នៅភូមិថ្មី ឃុំត្រាង ស្រុកកំរៀង ខេត្តបាត់ដំបង ជាមួយវត្ថុតាងដកហូតរួមមាន :គ្រឿងញៀនម្ស៉ៅក្រាមពណ៌សថ្លា (ice) ចំនួន ០១កញ្ចប់ ទម្ងន់ ១០២.១៦ក្រាម ( ទាំងសំបក ),ទូរស័ព្ទដៃ០២គ្រឿង និងម៉ូតូកង់បី០១គ្រឿង ។

បន្ទាប់ពីឃាត់ខ្លួនជនសង្ស័យខាងលើ នៅវេលាម៉ោង ១២និង១០នាទី ថ្ងៃ.ខែដដែល សមត្ថកិច្ចបានបន្តទៅឃាត់ខ្លួនជនសង្ស័យ (ជាមេខ្លោង)០១នាក់ទៀតឈ្មោះ សំ ថេង ភេទប្រុស អាយុ ៥១ឆ្នាំ មុខរបរកម្មករ រស់នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង ជាមួយវត្ថុតាងម៉ូតូ PCX ០១គ្រឿងផងដែរ។

ក្រោយពីឃាត់ខ្លួនជនសង្ស័យនិងវត្ថុតាងខាងលើត្រូវបានបញ្ជូនបន្តទៅកាន់ការិយាល័យជំនាញអាវុធហត្ថខេត្តដើម្បីចាត់ការតាមនីតិវិធី ៕

ដោយ ៖ សាលី