អាវុធហត្ថឃាត់ខ្លួនជនសង្ស័យ០៣នាក់ ពីបទជួញដូរសារធាតុញៀន

បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកភ្នំព្រឹក បានធ្វើការឃាត់ខ្លួនជនសង្ស័យចំនួន០៣នាក់ពីបទជួញដូរដោយខុសច្បាប់នូវសារធាតុញៀន។

កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៦និង៣៥នាទី ថ្ងៃទី០២ ខែវិច្ឆិកា ឆ្នាំ២០២៤ នៅចំណុចភូមិភ្នំប្រុស ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ដោយបានឃាត់ខ្លួនជនសង្ស័យ០៣នាក់ រួមមាន ៖ ១. ឈ្មោះ ស៊ូ ណាវុធ ភេទស្រី អាយុ ៤០ឆ្នាំ មុខរបរមេផ្ទះ រស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។ ២. ឈ្មោះ អាន់ ម៉ៅ ភេទប្រុស អាយុ ៤៣ឆ្នាំ មុខរបរធ្វើចំការ រស់នៅភូមិទួលកកោះ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ។ ៣.ឈ្មោះ ហុក ខា ហៅក្រោប ភេទប្រុស អាយុ ៣៥ឆ្នាំ មុខរបរកម្មករ រស់នៅភូមិអូរចោទ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ។

វត្ថុតាងដកហូតរួមមាន ៖ ១.គ្រឿងញៀនម្ស៉ៅក្រាមពណ៌សថ្លា (ice) ចំនួន ១១កញ្ចប់ ទម្ងន់ ៤០.៤៥ក្រាម ( ទាំងសំបក ), ២. ជញ្ជីងថ្លឹងគ្រឿងញៀន ០១គ្រឿង, ៣. ទូរស័ព្ទដៃចំនួន០៥គ្រឿង, ៤.លោហធាតុពណ៌លឿង( ខ្សែក ០១ខ្សែ .ក្រវិលចំនួន ០២គូរ ), ៥. ម៉ូតូចំនួន ០២ គ្រឿង និងម៉ូតូកង់បី ០១គ្រឿង, ៦.ប្រាក់រៀលចំនួន ១២០,០០០ ៛ និងថង់ផ្លាស់ស្ទិចសម្រាប់ច្រកគ្រឿងញៀនមួយចំនួន ។

បច្ចុប្បន្ន ជនសង្ស័យ និងវត្ថុតាងខាងលើ កំពុងបញ្ជូនទៅការិយាល័យជំនាញអាវុធហត្ថខេត្ត ដើម្បីចាត់ការតាមនីតិវិធី ៕

ដោយ ៖ សាលី