នគរបាលស្រុកឯកភ្នំ ឃាត់ខ្លួនស្ត្រីម្នាក់ ពីបទរក្សាទុកសារធាតុញៀន

បាត់ដំបង ៖ កម្លាំងផ្នែកប្រឆាំងគ្រឿងញៀនសហការជាមួយកម្លាំងអន្តរាគមន៍ បានចុះប្រតិបត្តិការបង្ក្រាប ករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មេីសជាក់ស្ដែង ។

កិច្ចប្រតិបត្តិការខាងលើនេះ ធ្វើឡើងនៅវេលាម៉ោង ១៦និង០០នាទី ថ្ងៃទី០១ ខែវិច្ឆិកា ឆ្នាំ២០២៤ នៅចំណុចភូមិដូនទាវ ឥឃុំពាមឯក ស្រុកឯកភ្នំ ខេត្តបាត់ដំបង ដោយបានឃាត់ខ្លួនជនសង្ស័យ០១នាក់ ឈ្មោះ វុធ លីម៉ា ភេទស្រី អាយុ១៧ឆ្នាំ រស់នៅភូមិអូរតានប់ សង្កាត់ក្ដុលដូនទាវ ក្រុងបាត់ដំបង។

វត្ថុតាងដកហូតរួមមាន ! ម្សៅក្រាមពណ៌សថ្លាច្រកក្នុងថង់ប្លាស្ទិកចំនួន០១ថង់សង្ស័យមានសារធាតុញៀន, ថង់សម្រាប់ច្រកថ្នាំញៀនមួយចំនួន ,ទូរស័ព្ទដៃ០១គ្រឿង ,ម៉ូតូ០១គ្រឿងម៉ាក SUZUKI NEX សេរីឆ្នាំ2013 ពណ៌សលាយខៀវ ពាក់ស្លាកលេខ ភ្នំពេញ 1CE-0585 ។

បច្ចុប្បន្នជនសង្ស័យបាននិងកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលស្រុកឯកភ្នំដេីម្បីកសាងសំណុំរឿងបញ្ជូនទៅការិយាល័យជំនាញបន្តតាមនិតិវិធី ៕

ដោយ ៖ សាលី