ជនសង្ស័យ០៧នាក់ ត្រូវបានឃាត់ខ្លួន ពីរករណីផ្សេងគ្នា ក្នុងបទល្មើសជួញដូរសាធាតុញៀន ៦១៥.១៣ក្រាម

បាត់ដំបង ៖ សមត្ថកិច្ចអាវុធហត្ថឃាត់ខ្លួនជនសង្ស័យប្រុសស្រី០៧នាក់ ពីបទជួញដូរនូវសាធាតុញៀន ដោយខុសច្បាប់ពីរករណីផ្សេងគ្នា ។

កិច្ចប្រតិបត្តិការខាងលើនេះ ករណីទី០១ធ្វើឡើងនៅវេលាម៉ោង០៨និង៤០នាទី ថ្ងៃទី១៦ ខែតុលា ឆ្នាំ២០២៤ នៅភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ដោយបានឃាត់ខ្លួន ជនសង្ស័យ០២នាក់ មាន ៖ ១-ឈ្មោះ សយ ស្រស់ ហៅកណ្តោ ភេទប្រុស អាយុ២៧ឆ្នាំ មុខរបរធ្វើចម្ការ រស់នៅភូមិនរា ឃុំនរា ស្រុកសង្កែ ខេត្តបាត់ដំបង។ ២-ឈ្មោះ សន គឹមស៊ា ភេទប្រុស អាយុ ២៨ឆ្នាំ មុខរបរធ្វើស្រែ រស់នៅភូមិទួលស្មួល ឃុំរាំងកេសី ស្រុកសង្កែ ខេត្តបាត់ដំបង ។ ដកហូត,វត្ថុតាង គ្រឿងញៀនម្សៅក្រាមពណ៌សថ្លា ( ice )ចំនួន០៦កញ្ចប់ ទម្ងន់ ៤៦៧.២៣ក្រាម, ម៉ូតូ០១គ្រឿង, រថយន្ត០១គ្រឿង, ជញ្ជឹងថ្លឹងគ្រឿងញៀន ០១គ្រឿង, ទូរស័ព្ទ០២គ្រឿង ។

ករណីទី០២ ធ្វើឡើងនៅវេលាម៉ោង ១១និង៣០នាទី ថ្ងៃទី១៥ ខែតុលា ឆ្នាំ២០២៤ នៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង ដោយបានឃាត់ខ្លួនជនសង្ស័យ ០៥នាក់ មាន ៖ ១-ឈ្មោះ សួន ធារិទ្ធ ហៅ ប្រុស ភេទប្រុស អាយុ ១៨ឆ្នាំ មុខរបរគ្មាន, ២-ឈ្មោះ ឃុន នារី ភេទស្រី អាយុ ២២ឆ្នាំ, ៣-ឈ្មោះ ធី រតនា ភេទស្រី អាយុ ១៤ឆ្នាំ មុខរបរសិស្ស អ្នកទាំងបីរស់នៅភូមិដំណាក់កកោះ  ឃុំគាស់ក្រឡ ស្រុកគាស់ក្រឡ ខេត្តបាត់ដំបង, ៤-ឈ្មោះ ឆិល ឆុន ហៅ ឆុន ភេទប្រុស អាយុ ២៨ឆ្នាំ មុខរបរធ្វើចំការ, ឈ្មោះ ហួត យ៉ានមា ហៅ ប៉ាវ ភេទប្រុស អាយុ ២៨ឆ្នាំ មុខរបរធ្វើចំការ ។ វត្ថុតាងដកហូតមាន ៖ គ្រឿងញៀនម្ស៉ៅក្រាមពណ៌សថ្លា (ice)ចំនួន ៣៥កញ្ចប់ ទម្ងន់ ១៤៧.៩ក្រាម, រថយន្ត ០២គ្រឿង, ម៉ូតូ០២គ្រឿង, ទូរស័ព្ទដៃចំនួន ០៨ គ្រឿង, ប្រាក់រៀលចំនួន ០២លានរៀល, កាំបិត ០១ដើម និងថង់វេចខ្ចប់គ្រឿងញៀននិងឧបករណ៍ប្រើប្រាស់មួយចំនួន ។

ក្រោយពីសាកសួរជនសង្ស័យ និងវត្ថុតាងកំពុងឃាត់ខ្លួននៅការិយាល័យជំនាញអាវុធហត្ថខេត្តដើម្បីចាត់ការតាមនីតិវិធី ៕

ដោយ ៖ សាលី