ចុះភ្ជួរស្រែពេលមេឃធ្លាក់ភ្លៀង ត្រូវរន្ទះបាញ់ស្លាប់ និងរបួស០២នាក់

បាត់ដំបង ៖ បុរស០២នាក់ ត្រូវរន្ទះបាញ់បណ្តាលអោយស្លាប់០១នាក់ និងរបួសសន្លប់ស្តូកស្តឹង០១នាក់ ក្រោយនាំគ្នាទៅភ្ជួរស្រែ នៅពេលមេឃកំពុងធ្លាក់ភ្លៀង។

ហេតុការណ៍គ្រោះថ្នាក់ធម្មជាតិ រន្ទះបាញ់ខាងលើនេះ បានបង្កការភ្ញាក់ផ្អើលនៅវេលាម៉ោង ១៥និង១៥នាទី ថ្ងៃទី១៤ ខែតុលា ឆ្នាំ២០២៤ស្ថិតនៅភូមិគោកអំពិល ឃុំភ្នំសំពៅ ស្រុកបាណន់ខេត្តបាត់ដំបង ។

ករណីរន្ទះបាញ់ខាងលើនេះ បណ្តាលអោយបុរស០១នាក់ឈ្មោះ ឈឿត ខាវ អាយុ ១៩ឆ្នាំ ស្លាប់នៅនិងទួល ហើយត្រូវបានសមត្ថកិច្ចចុះទៅពិនិត្យកោសល្យវិច័យ និងធ្វើកំណត់ហេតុប្រគល់អោយសាច់ញាតិយកទៅធ្វើបុណ្យតាមប្រពៃណី ចំណែកម្នាក់ទៀតឈ្មោះ ពៅ ស៊ីមិន ភេទប្រុស អាយុ២២ឆ្នាំ សន្លប់ស្តូកស្តឹង ហើយត្រូវបានដឹកបញ្ជូនទៅសង្រ្គោះព្យាបាលនៅមន្ទីរពេទ្យខេត្តបាត់ដំបង ហើយបានដឹងខ្លួនឡើងវិញ ៕

ដោយ ៖ សាលី