ខឹងឪពុកយាជំពាមកៅស៊ូប ម្រុងបាញ់ បានហក់ទៅវាយ បណ្តាលអោយឪពុករងរបួសធ្ងន់

បាត់ដំបង ៖ ជនសង្ស័យ០១នាក់បត្រូវបានកម្លាំងនៃអធិការដ្ឋាននគរបាលស្រុករុក្ខគីរី ឃាត់ខ្លួនក្រោយធ្វើសកម្មភាពទាត់ ធាក់ និងវាយ ទៅលើឪពុកខ្លួនឯងអោយរងរបួសជាច្រើនកន្លែង(ធ្ងន់)។

ករណីហិង្សាខាងលើនេះបានកើតឡើងនៅវេលាម៉ោង ១២និង០០នាទី ថ្ងៃទី០២ ខែកញ្ញា ឆ្នាំ២០២៤ នៅចំណុចក្រុមទី០៦ ភូមិព្រែកជីក ឃុំព្រែកជីក ស្រុករុក្ខគិរី ខេត្តបាត់ដំបង ដែលជនសង្ស័យឈ្មោះហ៊ីង គឹមឈើត ភេទប្រុស អាយុ៣៦ឆ្នាំ បានធ្វើសកម្មភាពវាយ ទាត់ ធាក់ ទៅលើជនរងគ្រោះជាឪពុកបង្កើតឈ្មោះ កង ហ៊ីង ភេទប្រុស អាយុ៧៥ឆ្នាំ បណ្តាលអោយរងរបួសធ្ងន់ ព្រោះតែខឹងជនរងគ្រោះជាឪពុកយាជំពាមកៅស៊ូបម្រុងបាញ់មកលើខ្លួន។

ក្រោយពីឃាត់ខ្លួន ជនសង្ស័យខាងលើត្រូវបានកម្លាំងអធិការដ្ឋាននគរបាលស្រុករៀបចំកសាងសំណុំរឿងបញ្ជូនបន្តទៅកាន់ការិយាល័យជំនាញស្នងការខេត្តដើម្បីចាត់ការតាមនីតិវិធីច្បាប់ ៕

ដោយ ៖ សាលី