បើកបរក្នុងល្បឿនលឿន ជ្រុលបុកម៉ូតូខាងមុខ អូសចូលក្រោមក្បាលរថយន្ត បណ្តាលអោយរងរបួសធ្ងន់ស្រាល០២នាក់

បាត់ដំបង ៖ យ៉ាងហោចណាស់យុវជន០២នាក់ បានរងរបួសធ្ងន់ស្រាល ក្រោយជួបឧបទ្ទវហេតុគ្រោះថ្នាក់ចរាចរណ៍នៅវេលាម៉ោង០៩ និង៤០នាទី ថ្ងៃទី២២ ខែសីហា ឆ្ឆ្នាំ២០២៤ នៅតាមបណ្តោយផ្លូវលេខ១ ខាងមុខហាងភីហ្សាខមផានី ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ប្រភពពីកន្លែងកើតហេតុ បានប្រាប់ថា ដំបូងឡើយគេឃើញម៉ូតូម៉ាកហុងដាឃ្លិចពណ៌សមួយគ្រឿងពាក់ផ្លាកលេខ បាត់ដំបង 1AD-5451 បើកបរដោយយុវជនម្នាក់ ក្នុងទិសដៅពីលិចទៅកើត លុះមកដល់ចំណុចផ្លូវកែងកន្លែងកើតហេតុបានបត់ស្តាំភ្លាមនោះក៏មានម៉ូតូ០១គ្រឿងផ្សេងទៀតម៉ាកហុងដាឌ្រីម ពណ៌ខ្មៅ ពាក់ផ្លាកលេខ បាត់ដំបង 1M-8546 បើកបរដោយយុវជនម្នាក់ ក្នុងល្បឿនយ៉ាងលឿន ក្នុងទិសដៅពីជើងទៅត្បូង បានជ្រុលចង្កូតទៅបុកពេញទំហឹងបណ្តាលអោយម៉ូតូឃ្លិចអូសចូលក្រោមក្បាលរថយន្តដែលចតចោលបណ្តាលអោយភាគីខាងម៉ូតូឌ្រីមរងរបួសធ្ងន់បញ្ជូនទៅកាន់មន្ទីរពេទ្យ ចំណែកភាគីខាងម៉ូតូឃ្លីករងរបួសស្រាល ។

ក្រោយពេលកើតហេតុ ភាគីទាំងបីបានធ្វើការសម្របសម្រួលគ្នាដោយអោយខាងម៉ូតូឌ្រីមយកទៅជួសជុលនិងមើលជំងឺដោយខ្លួនឯង ចំណែកភាគីខាងម៉ូតូឃ្លីកទទួលរ៉ាប់រងយករថយន្តទៅជួសជុលអោយម្ចាស់គេវិញផងដែរដើម្បីកុំអោយមានរឿងវែងឆ្ងាយ។

ដោយ ៖ សាលី