កងពលតូចថ្មើរជើងលេខ៥១ បន្តកសាងជំរកស្នាក់នៅ និងបង្កបង្កើនផល ចិញ្ចឹមសត្វ សម្រាប់ទ្រទ្រង់ជីវភាពរស់នៅរបស់កងទ័ព និងគ្រួសារទ័ព

51

បន្ទាយមានជ័យ ៖ ក្រៅអំពីការងារស្នូលរបស់កងទ័ព កងពលតូចថ្មើរជើងលេខ៥១ នៅតែបន្តកសាងជំរកស្នាក់នៅ និងបង្កបង្កើនផល ចិញ្ចឹមសត្វ សម្រាប់ទ្រទ្រង់ជីវភាពរស់នៅរបស់កងទ័ព និងគ្រួសារទ័ព តាមផែនការជាប្រចាំ ។

ជាក់ស្តែងនៅថ្ងៃទី២១ ខែមករា ឆ្នាំ២០២១ កងពលតូចថ្មើរជើងលេខ៥១  បានធ្វើការងារកសាង សំណង់អគារផ្ទះស្នាក់នៅបន្ថែមទៀត លើការងារអភិវឌ្ឍន៍អង្គភាព ក្រោមការយកចិត្តទុកដាក់ និងការណែនាំរបស់ ឯកឧត្តមមេបញ្ជាការកងទ័ពជើងគោក និងការដឹកនាំបញ្ជាផ្ទាល់ពី មេបញ្ជាការ អង្គភាពកងពលតូចថ្មើរជើងលេខ៥១ ។

គួរបញ្ជាក់ថា ការដាំដុះបន្លែគ្រប់ប្រភេទ និងការចិញ្ចឹមសត្វ ដែលផលិតបានដោយអង្គភាព និងគ្រួសារទ័ព ត្រូវបានផ្គត់ផ្គង់ធានាក្នុងការចិញ្ចឹមទ័ព និងលើកស្ទួយជីវភាពរស់នៅរបស់គ្រួសារកងទ័ព កាត់បន្ថយការនាំចូលបន្លែ ត្រី សាច់ មួយចំនួនពីខាងក្រៅ ដែលមានផ្ទុកសារធាតុគីមី ជាពិសេសបានលក់ចេញទៅទីផ្សារខាងក្រៅទទួលបានប្រាក់កំរៃបន្ថែមទៀត ដើម្បីទុកផ្គត់ផ្គង់តម្រូវការនានានៅក្នុងអង្គភាពផងដែរ ៕

ដោយ ៖ សម្បត្តិ សីហា

ចំណែក