អាវុធហត្ថស្រុកសង្កែ ឃាត់ខ្លួនជនសង្ស័យ ២នាក់ ក្នុងករណីរំលោភលើទំនុកចិត្ត
បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកសង្កែ បានធ្វើការឃាត់ខ្លួនជនសង្ស័យ ចំនួន០២នាក់ក្នុងករណីរំលោភលើទំនុកចិត្ត តាមបណ្តឹងរបស់លោក ឈួម ម៉េត ដែលជាម្ចាស់បណ្ដឹង។
ការឃាត់ខ្លួននេះ ធ្វើឡើងនៅវេលាម៉ោង១៩ និង៣០នាទី ថ្ងៃទី៣០ ខែកក្តដា ឆ្នាំ២០២៤ នៅចំណុចភូមិអូរមុនី១ ឃុំអន្លង់វិល ស្រុកសង្កែ ខេត្តបាត់ដំបង ដែលជនសង្ស័យ ទី១-ឈ្មោះ ហួន គឹមហៀក ភេទប្រុស អាយុ២១ឆ្នាំ មុខរបរកម្មករសំណង់ រស់នៅភូមិអូរមុនី១ ឃុំអន្លង់វិល ស្រុកសង្កែ ខេត្តបាត់ដំបង ។ ទី២-ឈ្មោះ ឡេង ភុង ភេទប្រុស អាយុ២២ឆ្នាំ មុខរបរកម្មករសំណង់ រស់នៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង ។
ក្រោយពីឃាត់ខ្លួនជនសង្ស័យទាំង០២នាក់ ត្រូវបានបញ្ជូនទៅកាន់ ការិយាល័យជំនាញអាវុធហត្ថខេត្តដើម្បីចាត់ការបន្តតាមនិតិវិធី ៕
ដោយ ៖ សាលី