ឃាត់ខ្លួនជនសង្ស័យ០១នាក់ ពីបទរក្សាទុកថ្នាំញៀន

បាត់ដំបង ៖ ជនសង្ស័យ០១នាក់ ត្រូវបានកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុករុក្ខគិរី ចុះល្បាតនិងបង្ក្រាបឃាត់ខ្លួន បានក្នុងករណីរក្សាទុកដោយខុសច្បាប់នូវសារធាតុញៀន។

កិច្ចប្រតិបត្តិការខាងលើនេះ ធ្វើឡើងនៅវេលាម៉ោង១៥និង០០នាទី ថ្ងៃទី៣០ ខែកក្កដា ឆ្នាំ២០២៤ នៅចំណុចភូមិព្រៃអម្ពាន់ ឃុំស្ដុកប្រវឹក ស្រុករុក្ខគិរី ខេត្តបាត់ដំបង ដោយបានឃាត់ខ្លួនជនសង្ស័យចំនួន០១នាក់ ឈ្មោះ ដាំ ដាវ ភេទប្រុស  អាយុ២៥ឆ្នាំ មានទីលំនៅភូមិព្រៃអម្ពាន់ ឃុំស្ដុកប្រវឹក ស្រុករុក្ខគិរី ខេត្តបាត់ដំបង រួមជាមួយវត្តុតាងរួមមាន៖ – ម្សៅក្រាមពណ៌សថ្លាច្រកក្នុងកូនថង់ប្លាស្ទិចពណ៌សចំនួន ១២ថង់ ,រស័ព្ទដៃចំនួន ០១គ្រឿង និងម៉ូតូម៉ាកអុិចហ្សិតទ័រ ពណ៌ខ្មៅ០១គ្រឿង។

ក្រោយពីឃាត់ខ្លួនជនសង្ស័យ និងវត្ថុតាងត្រូវបានកសាងសំណុំរឿងបញ្ជូនទៅកាន់ ការិយាល័យជំនាញស្នងការខេត្ត ដើម្បីចាត់ការតាមនីតិវិធី ៕

ដោយ ៖ សាលី