លោកជំទាវ បាន ស្រីមុំ អំពាវនាវដល់សប្បុរសជន បន្តចូលរួមចែករំលែក សម្ភារៈ ឬគ្រឿងឧបភោគបរិភោគ មកដាក់ក្នុងផ្ទះបរិច្ចាគ
ប៉ៃលិន ៖ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន កាលពីថ្ងៃទី២៣ ខែកក្កដា ឆ្នាំ២០២៤ បានអំពាវនាវ ដល់បង ប្អូនសប្បុរសជនទាំងក្នុងខេត្ត ក្រៅខេត្ត ទាំងក្នុងប្រទេស និងក្រៅប្រទេស សូមបន្តចូលរួមការងារមនុស្សធម៌ វប្បធម៌នៃការ ចែករំលែក ដោយអាចយកជាសម្ភារៈប្រើប្រាស់ (ថ្មី ឬ១តឹក) និងគ្រឿងឧបភោគបរិភោគ យកមកដាក់ ក្នុងផ្ទះបរិច្ចាគ នេះ ដើម្បីជួយដល់បងប្អូនទុរគតជន និងមានជីវភាពខ្វះខាត ។
![](https://www.khmerpit.news/wp-content/uploads/2024/07/IMG_20240724_220324_591-650x433.jpg)
លោកជំទាវបណ្ឌិត បាន ស្រីមុំ បានលើកឡើងបន្តថា វប្បធម៌ នៃការចែករំលែក បានស្តែងចេញតាមរយៈនៃសមានចិត្តជួយគ្នាក្នុងគ្រាមានអាសន្ន និងសាមគ្គីភាពក្នុងចំណោមប្រជាជនកម្ពុជា ហើយទង្វើ ដ៏ប្រពៃថ្លៃថ្លានេះទទួលបាននូវការសាទរយ៉ាងខ្លាំង ពីសំណាក់បងប្អូនប្រជាពលរដ្ឋ និងបានសរបញ្ជាក់ឱ្យឃើញពីតម្លៃ មិន អាចកាត់ថ្លៃបាន និងការមិនរើសអើងចំពោះពលរដ្ឋណាម្នាក់ ឬជាតិសាសន៌ណាមួយ ដែលជួបការ លំបាក ដូច្នេះកាយវិការ ដ៏ប្រពៃនេះបានឆ្លាក់ជាប់ក្នុងក្រអៅបេះដូង នៃពលរដ្ឋខ្មែរគ្រប់រូប ។
![](https://www.khmerpit.news/wp-content/uploads/2024/07/IMG_20240724_220324_721-650x433.jpg)
លោកជំទាវបណ្ឌិតអភិបាលខេត្ត បានមានប្រសាន៍បន្តថា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន កាកបាទក្រហមកម្ពុជា តែងតែគិតគូពីសុខទុក្ខរបស់ប្រជាពលរដ្ឋងាយរងគ្រោះ និងរងគ្រោះ ដោយគ្រោះមហន្តរាយ និង ឧបទ្ទេហេតុផ្សេងៗ នៅទូទាំងប្រទេសគ្រប់ពេលវេលា ដោយមិនមានការរើសអើង វណ្ណៈជាតិសាសន៍ ពណ៌សម្បុរ ឬនិន្នា ការនយោបាយអ្វីឡើយ ជាពិសេសបានផ្តាំផ្ញើដល់មន្ត្រីមូលដ្ឋានគ្រប់ជាន់ថ្នាក់ ត្រូវយកចិត្តទុក្ខដាក់ចំពោះ ជីវភាពរស់នៅ ប្រជាពលរដ្ឋដោយមិនបណ្តោយឱ្យពលរដ្ឋណាម្នាក់ស្លាប់ អត់បាយ ដោយមិនបានដឹង និងមិនបានជួយដោះ ស្រាយនោះ ឡើយ ។
![](https://www.khmerpit.news/wp-content/uploads/2024/07/IMG_20240724_220324_449-650x433.jpg)
សូមបញ្ជាក់ថា «ផ្ទះបរិច្ចាគ» ដែលមានទីតាំងចំនួន ៣ គឺទីតាំងទី១-នៅមុខសាលាខេត្ត, ទីតាំងទី២-នៅផ្សារព្រំ និងទីតាំងទី៣- នៅឃុំស្ទឹងត្រង់ ត្រូវបានផ្តួចផ្តើមបង្កើតឡើង ដោយលោក ជំទាវ បណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន ក្នុងគោលបំណងទទួល និងផ្តល់សម្ភារៈ គ្រឿងឧបភោគ បរិភោគ ដល់ទុរគតជន និងប្រជាពលរដ្ឋមានជីវភាពខ្វះខាត ៕
![](https://www.khmerpit.news/wp-content/uploads/2024/07/IMG_20240724_220324_258-650x433.jpg)
![](https://www.khmerpit.news/wp-content/uploads/2024/07/IMG_20240724_220324_410-650x433.jpg)
![](https://www.khmerpit.news/wp-content/uploads/2024/07/IMG_20240724_220324_917-650x433.jpg)
![](https://www.khmerpit.news/wp-content/uploads/2024/07/IMG_20240724_220324_385-650x433.jpg)