ឃាត់ខ្លួនស្ត្រី ជាមុខសញ្ញាលួចម៉ូតូម្នាក់ អនុវត្តតាមផ្លូវច្បាប់

បាត់ដំបង ៖ ស្ត្រីជាមុខសញ្ញាលួចម៉ូតូម្នាក់ ត្រូវបានកម្លាំងជំនាញនៃអធិការដ្ឋាននគរបាលស្រុករុក្ខគិរីឃាត់ខ្លួនក្រោយធ្វើសកម្មភាព លួយយកម៉ូតូ០១គ្រឿង ក្នុងខណៈពេលដែលម្ចាស់ទុកលើចិញ្ចើមផ្លូវ ចុះទៅកាប់ឬស្សី ដោយមិនបានដកសោ។

កិច្ចប្រតិបត្តិការខាងលើនេះ ធ្វើឡើងនៅវេលាម៉ោង១៥និង៤០នាទី ថ្ងៃទី០៨ ខែកក្កដា ឆ្នាំ២០២៤ នៅចំណុចក្រុមទី១៥ ភូមិមុខរាហ៍២ ឃុំមុខរាហ៍ ស្រុករុក្ខគិរី ខេត្តបាត់ដំបង ដែលជនសង្ស័យមានឈ្មោះ សុិង ស្រីពៅ ភេទស្រី អាយុ៥០ឆ្នាំ រស់នៅផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានធ្វើសកម្មភាពលួចម៉ូតូ០១ គ្រឿងម៉ាកHondaDream C125 ពណ៌ខ្មៅ សេរីឆ្នាំ2018 ពាក់ស្លាកលេខបាត់ដំបង1AB.0381 របស់ជនរងគ្រោះ ឈ្មោះ ណែម សំណាង ភេទប្រុស អាយុ៣៨ឆ្នាំ រស់នៅភូមិមុខរាហ៍២ ឃុំមុខរាហ៍ ស្រុករុក្ខគិរី ខេត្តបាត់ដំបង។

ក្រោយពីឃាត់ខ្លួន ស្ត្រីជាជនសង្ស័យត្រូវបានសមត្ថកិច្ចរៀបចំកសាងសំណុំរឿងបញ្ជូនទៅកាន់ការិយាល័យជំនាញដើម្បីចាត់ការតាមនីតិវិធីច្បាប់ ចំណែកវត្ថុតាងម៉ូតូ០១គ្រឿងត្រូវបានប្រគល់ជូនជនរងគ្រោះវិញផងដែរ ៕

ដោយ ៖ សាលី