រដ្ឋសភា​​អនុម័ត​ច្បាប់​ថវិកា​ឆ្នាំ​២០២១ ដើម្បី​រក្សា​លំនឹង​សង្គម ​និង​ជំរុញ​សេដ្ឋកិច្ច​ក្រោយ​វិ​ប​តិ្ត​កូ​វីដ​១៩

118

ភ្នំពេញ ៖ រដ្ឋសភា​នៃ​ព្រះរាជាណាចក្រ​កម្ពុជា បានសម្រេច​អនុម័ត​ច្បាប់​គ្រប់គ្រង​ថវិកា​ឆ្នាំ​២០២១ ​ដើម្បី​ធានា​លំនឹង​សង្គម ​និង​សេដ្ឋកិច្ចកម្ពុជា​ ឱ្យមាន​ភាពប្រសើរ ក្​រោយ​ស្រាកស្រាន្ត​នៃ​វិបត្តិ​កូ​វីដ​-១៩ ក្នុង​សម័យ​ប្រជុំ​លើក​ទី​៥ នីតិកាល​ទី​៦ ​ក្រោម​អធិបតីភាព​សម្ដេច​ពញា​ចក្រី ​ហេង សំរិន ប្រធានរដ្ឋសភា​។

សម័យប្រជុំ​រដ្ឋសភា​នៅថ្ងៃនេះ ​មាន​របៀបវារៈ​ចំនួន​៧ គឺ​ច្បាប់​គ្រប់គ្រង​ថវិកា​ឆ្នាំ​២០២១ និង​ច្បាប់ ចំនួន​៦​ផ្សេងទៀត ខណៈ​ច្បាប់​គ្រប់គ្រង​ថវិកា​ឆ្នាំ​២០២១ ​មាន​សំឡេងគាំទ្រ​១១៦​លើ​១១៦​សំឡេង ដោយ​ច្បាប់​គ្រប់គ្រង​ថវិកា​ឆ្នាំ​២០២១​នេះ ​មាន​គោលបំណង ដើម្បី​រក្សា​ឱ្យ​បាន​នូវ​តុល្យភាព​ថវិកា ដែលជា ​មូលដ្ឋានគ្រឹះ​ក្នុងការ​ធានា​ស្ថិរភាព​ម៉ាក្រូសេដ្ឋកិច្ច ​និង​ការគ្រប់គ្រង​ហិរញ្ញវត្ថុ​សាធារណៈ​ផង និង​ដោយ តម្រង់ ​ និង​ផ្តល់​អាទិភាព​ខ្ពស់​បំផុត​ដល់​ចំណាយ​ចាំបាច់​ទាំងឡាយ ​សំដៅ​ទប់ទល់​ការ​រាតត្បាត និង​កាត់ ​បន្ថយ​ផល​ប៉ះពាល់​ពី​ជំងឺ​កូ​វីដ​-១៩​ មក​លើ​សង្គម​-​សេដ្ឋកិច្ច សេចក្តី​ត្រូវការ និង​តម្រូវ​ការចាំបាច់​ជា​មូលដ្ឋាន របស់​ក្រសួង​ស្ថាប័ន​នានា ​សម្រាប់​អនុវត្ត​គោលនយោបាយ​វិស័យ​សំខាន់ៗ មាន​ជាអាទិ៍ ​៖ ការ​អភិវឌ្ឍ​ធន ធាន​មនុស្ស ហេដ្ឋារចនាសម្ព័ន្ធ​រូបវន្ត ​ការពង្រីក​អាទិភាព​របស់​រាជរដ្ឋាភិបាល​ ពិសេស​សេចក្តីត្រូវការ ​និង ការ​រំពឹងទុក​របស់​ប្រជាជន​លើ​ការអភិវឌ្ឍ​កម្ពុជា​ផងដែរ​។

ក្របខណ្ឌ​ចំណាយ​ថវិកា​ឆ្នាំ​២០២១ ដោះស្រាយ​បានជា​សារវន្ត​នូវ​វិសាលភាព ​និង​ការ​ពង្រឹង​គុណ ភាព នៃ​សេវា​សាធារណៈ​គ្រប់​ប្រភេទ ពិសេស​សេវា​អប់រំ សុខាភិបាល ​និង​យុត្តិធម៌ ការ​ពន្លឿន​កិច្ចការ កែទម្រង់​ស៊ីជម្រៅ ​និង​មុត​ស្រួច​លើ​គ្រប់​វិស័យ​ ការ​បង្ក​ភាព​ងាយស្រួល​ដល់​ការធ្វើ​ធុរកិច្ច និង​វិនិយោគ ការ ពង្រឹង​ភាព​ប្រកួតប្រជែង ​ការធ្វើ​ពិពិធ​កម្ម​សេដ្ឋកិច្ច ​ការអភិវឌ្ឍ​វិស័យ​កសិកម្ម និង​វិស័យ​ឌីជីថល​។

ថវិកា​ឆ្នាំ​២០២១​នេះ ជា​ឧបករណ៍​ដ៏​មាន​ប្រសិទ្ធភាព ដែល​អាច​ជួយ​ឱ្យ​រាជរដ្ឋាភិបាល​ឆ្លើយតប​ទៅ នឹង​បញ្ហា​ប្រឈម និង​ហានិភ័យ​ផង​ទាំងពួង ទាំង​ក្នុង និង​ក្រៅប្រទេស ​សំដៅ​ធានា​លំនឹង​សង្គម សេដ្ឋកិច្ច កម្ពុជា និង​ការពារ​អាយុជីវិត​ប្រជាជន​ពី​ការ​រាតត្បាត​នៃ​ជំងឺ​កូ​វីដ​១៩ ​ព្រមទាំង​ស្តារ ​និង​ជំរុញ​ការ​ងើបឡើង​ វិញ​នូវ​កំណើន​សេដ្ឋកិច្ច​ក្រោយ​វិបត្តិ​ជំងឺ​កូ​វីដ​១៩​។ ​ច្បាប់​នេះ ត្រូវ​បាន​ប្រសិទ្ធ​នាម​ថា​ជា​ថវិកា​ប្រយុទ្ធ​ការពារ អាយុជីវិត​ប្រជាជន រក្សា​លំនឹង​សង្គម​-​សេដ្ឋកិច្ច ​និង​ជីវភាព​របស់​ប្រជាជន ព្រម​ជាមួយ​ នឹង​ការតម្រង់​ធន ធាន​ឆ្ពោះទៅ​ស្តារ ​និង​ជំរុញ​កំណើន​សេដ្ឋកិច្ច​ឡើងវិញ ​តាម​គន្លង​ប្រក្រតី​ថ្មី ដើម្បី​ធានា​សន្តិភាព ​ស្ថិរភាព និង​ចីរភាព ​នៃ​កំណើន​សេដ្ឋកិច្ច​ ព្រមទាំង​ភាព​ប្រកួតប្រជែង​របស់​កម្ពុជា​ជាមួយ​ នឹ​ង​ការបន្ត​លើកស្ទួយ សុខុមាលភាព​របស់​ប្រជាជន​ផងដែរ​៕

ចំណែក