ដើរមើលចំការ ពេលមេឃកំពុងភ្លៀង ត្រូវរន្ទះបាញ់ស្លាប់

បាត់ដំបង ៖ បុរសម្នាក់ ត្រូវរន្ទះបាញ់បណ្តាលអោយស្លាប់ភ្លាមៗ ខណៈកំពុងដើរមើលចំការខាងក្រោយផ្ទះពេលមេឃកំពុងធ្លាក់ភ្លៀងខ្លាំង ។

សមត្ថកិច្ច បានអោយដឹងថា នៅវេលាម៉ោង ១៣និង៣០នាទី ថ្ងៃទី២០ ខែឧសភា ឆ្នាំ២០២៤ នៅក្នុងភូមិសាស្ត្រស្រុកសំពៅលូន មានភ្លៀងធ្លាក់មួយមេធំលាយឡំជាមួយផ្គររន្ទះផងនោះ បានបាញ់ត្រូវបុរសម្នាក់បណ្តាលអោយស្លាប់ភ្លាមៗនៅចំណុចភូមិថ្លុកសង្កែ ឃុំសិរីមានជ័យ ស្រុកសំពៅលូន ខេត្តបាត់ដំបង។

ប្រភពដដែល បានអោយដឹងថា ជនរងគ្រោះមានឈ្មោះ វ៉ែន ភារ៉ា ភេទប្រុស អាយុ៤៣ឆ្នាំ មានទីលំនៅភូមិឃុំកើតហេតុខាងលើ ហើយរហូតមកដល់ពេលនេះសមត្ថកិច្ចបានធ្វើកោសល្យវិច័យនិងបានប្រគល់អោយក្រុមគ្រួសារយករៀបចំធ្វើបុណ្យតាមប្រពៃណី៕
ដោយ ៖ សាលី