អគ្គិភ័យឆាបឆេះដីព្រៃមួយកន្លែង ផ្អើលសមត្ថកិច្ចចេញអន្តរាគមន៍ពន្លត់ទាំងយប់

បាត់ដំបង ៖ ដីព្រៃមួយកន្លែងត្រូវបានអគ្គិភ័យឆាបឆេះបង្កការភ្ញាក់ផ្អើលដល់ប្រជាពលរដ្ឋក៏ដូចជាសមត្ថកិច្ចចេញអន្តរាគមន៍ពន្លត់នៅវេលាម៉ោង ១៩និង៣០នាទី ថ្ងៃទី០២ ខែឧសភា ឆ្នាំ២០២៤ នៅត្រង់ចំណុចក្រុមទី១៦ ស្ថិតក្នុងភូមិកសិកម្ម ឃុំតាពូង ស្រុកថ្មគោល ខេត្តបាត់ដំបង ។

ករណីអគ្គីភ័យខាងលើនេះដែរបង្កឡើងដោយជនមិនស្គាល់មុខបានដុតដីស្រែបណ្តាលអោយឆេះរាលដាលព្រៃលើដីទំនេរមួយកន្លែងតែមិនបង្កអោយមានគ្រោះថ្នាក់ប៉ះពាល់ដល់លំនៅដ្ឋានឬមនុស្សឡើយ ។

នៅក្នុងហេតុការណ៍គ្រោះអគ្គិភ័យនេះដែរមន្ត្រីជំនាញ បានចេញរថយន្តពន្លត់អគ្គីភ័យចំនួន០១គ្រឿងក្នុងការចុះអន្តរាគមន៍បាញ់ពន្លត់ដោយប្រើប្រាស់ទឹកអស់ចំនួន ០១រថយន្តផងដែរទើបគ្រប់គ្រងស្ថានភាពបាន ៕
ដោយ ៖ សាលី