សង្ស័យឆ្លងចរន្តភ្លើង បង្កជាអគ្គីភ័យឆេះរថយន្ត ០១គ្រឿង អស់ទាំងស្រុង

បាត់ដំបង ៖ រថយន្តStarexមួយគ្រឿង សង្ស័យឆ្លងចរន្តភ្លើង បង្កជាអគ្គីភ័យឆាបឆេះយ៉ាងសន្ធោសន្ធៅអស់ទាំងស្រុងនៅវេលាម៉ោង ១២និង០០នាទី ថ្ងៃទី១៣ ខែមីនា ឆ្នាំ២០២៤ នៅតាមបណ្តោយផ្លូវវាងក្រុង ស្ថិតក្នុងភូមិអង់ សង្កាត់អូរចារ ក្រុងបាត់ដំបង។

ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្ត Hyundai Starex ពណ៌ទឹកប្រាក់មួយគ្រឿង ពាក់ផ្លាកលេខ ភ្នំពេញ2AZ-6970 បើកបរដោយបុរសម្នាក់ ទិសដៅពីត្បូងទៅជើង លុះមកដល់ចំណុចកើតហេតុខាងលើក៏ស្រាប់តែត្រូវបានឆាបឆេះឡើងភ្លាមនោះអ្នកបើកបរបានបើកទ្វាររត់ចេញយករួចខ្លួនតែម្តង។

នៅក្នុងហេតុការណ៍គ្រោះអគ្គីភ័យឆេះរថយន្តនេះដែរ ភ្លាមៗនោះមានរថយន្តទឹករបស់ក្រុមហ៊ុនតេលាចំនួន០២គ្រឿងបានចេញចុះអន្តរាគមន៍បាញ់ទឹកពន្លត់ដែរតែជួយមិនបានក៏ត្រូវឆេះអស់ទាំងស្រុងតែម្តង៕
ដោយ ៖ សាលី