ឆ្លងចរន្តអគ្គិសនី បណ្តាលអោយឆេះផ្ទះ០១ខ្នងទាំងស្រុង នៅក្រុងបាត់ដំបង

បាត់ដំបង ៖ ផ្ទះឈើ០១ខ្នង ត្រូវបានអគ្គីភ័យឆាបឆេះអស់ទាំងស្រុង នៅថ្ងៃទី០៨ ខែមីនា ឆ្នាំ២០២៤ នៅត្រង់ចំណុចក្រុមទី២៣ ស្ថិតក្នុងភូមិស្លាកែត សង្កាត់ ស្លាកែត ក្រុងបាត់ដំបង ។

ផ្ទះដែលត្រូវអគ្គីភ័យឆាបឆេះខាងលើ ជាប្រភេទផ្ទះទាម មានទំហំ ៤ម៉ែត្រ×៦ម៉ែត្រ សង់អំពីឈើ ដំបូលប្រក់ស័ង្កសី ( ឆេះអស់ទាំងស្រុង រួមជាមួយសម្ភារប្រើប្រាស់ក្នុងផ្ទះផងដែរ សរុបជាទឹកប្រាក់អស់ប្រមាណ ៥លានរៀល) ដែលមានម្ចាស់ឈ្មោះ រិន ចាន់រ៉ុង ភេទប្រុស អាយុ ៣៥ឆ្នាំ រស់នៅចំណុចកើតហេតុខាងលើ។

នៅក្នុងហេតុការណ៍គ្រោះថ្នាក់អគ្គិភ័យនេះដែរ សមត្ថកិច្ចបានចេញរថយន្តពន្លត់អគ្គីភ័យចំនួន ២គ្រឿង ក្នុងការចុះអន្តរាគមន៍បាញ់ពន្លត់ ដោយប្រើប្រាស់អស់ទឹកចំនួន ២រថយន្តផងដែរ ៕
ដោយ ៖ សាលី