នគរបាលប៉ុស្តិ៍អន្លង់រុន បង្ក្រាបការលេងល្បែងស៊ីសង ១ករណី ឃាត់ខ្លួនមនុស្ស ១១នាក់

បាត់ដំបង ៖ កម្លាំងប៉ុស្តិ៍នគរបាលរដ្ឋបាលអន្លង់រុន បានចុះបង្រ្កាបការលេងល្បែងស៊ីសងប(បៀស៉ីគូទឹក) មួយកន្លែងឃាត់ខ្លួនជនសង្ស័យ ចំនួន១១នាក់ និងវត្ថុតាងមួយចំនួន។

កិច្ចប្រតិបត្តិការខាងលើនេះ ធ្វើឡើងនៅវេលាម៉ោង ១៤និង០០នាទី ថ្ងៃទី០៧ ខែមីនា ឆ្នាំ២០២៤ ស្ថិតនៅចំណុចក្រុមទី១២ ភូមិគ្រួស ឃុំអន្លង់រុន ស្រុកថ្មគោល ខេត្តបាត់ដំបង ដោយបាននាំខ្លួនមនុស្សចំនួន១១នាក់ ជាមួយសម្ភារដកហូតរួមមាន៖ កម្រាលក្រាលអង្គុយ ចំនួន០២, ភួយទ្រាប់សំរាប់លេង ចំនួន០២, បៀ ចំនួន ០២ហ៊ូ ។

ក្រោយពីនាំខ្លួនមនុស្សទាំង ១១នាក់ខាងលើ ជំនាញផ្នែកនគរបាលយុត្តិធម៌ បានធ្វើការអប់រំ និងធ្វើកិច្ចសន្យាឱ្យវិលត្រឡប់ទៅផ្ទះវិញ ៕
ដោយ ៖ សាលី