អគ្គីភ័យឆេះផ្ទះ០១ខ្នងទាំងស្រុងដោយមិនដឹងមូលហេតុ

បាត់ដំបង! ផ្ទះចាំចំការ០១ខ្នងត្រូវបានអគ្គីភ័យឆាបឆេះអស់ទាំងស្រុងដោយមិនដឹងមូលហេតុនៅវេលាម៉ោង១៩និង៣០នាទីយប់ ថ្ងៃទី២៤ ខែកុម្ភះ ឆ្នាំ២០២៤ នៅចំណុចភូមិអូរតាសុខ ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។

ផ្ទះដែលត្រូវអគ្គីភ័យឆាបឆេះមានទំហំ០៥ម៉ែត្រ x ០៦ម៉ែត្រ សង់ដែក ដំបួលប្រក់ប្រូសុីម៉ង់ ឆេះអស់ទាំងស្រុង រួមជាមួយសម្ភារៈ ,ម៉ូទ័រចំនួន០៧គ្រឿង , ធុងទឹកកក ២០០លីត្រ០១ធុង , ម៉ាស៊ីនអាឈើ០១គ្រឿង , ម៉ាស៊ីនឈូសទឹកកក ០១គ្រឿង , សូឡាចំនួន០២ផ្ទាំង សរុបជាទឹកប្រាក់ ២០០០០០បាត(ពីរសែនបាត) ដែលមានម្ចាស់ផ្ទះឈ្មេះ សុខ សុងភេទប្រុស អាយុ៤៤ឆ្នាំ រស់នៅភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ។

សមត្ថកិច្ចបានបញ្ជាក់ថា ផ្ទះដែលឆេះជាផ្ទះដែលទុកចោលនៅចម្ការ ហើយមូលហេតុដែលផ្តើមអោយឆេះឡើងនេះមិនបានដឹងច្បាស់នៅឡើយទេរងចាំការស្រាវជ្រាវបន្ត។