ឃាត់ខ្លួនជនសង្ស័យម្នាក់ ក្រោយយកញញួរវាយបងប្រុសបង្កើត អោយរងរបួសធ្ងន់
បាត់ដំបង ៖ កម្លាំងផ្នែកជំនាញរួមជាមួយកម្លាំងប៉ុស្តិ៍នគរបាលរដ្ឋបាល ក្រោមការដឹកនាំរបស់លោកវរសេនីយ៍ទោ សេង លុច អធិការនគរបាលស្រុកថ្មគោល បានចុះធ្វេីការបង្ក្រាបឃាត់ខ្លួនជនសង័្សយ០១នាក់ក្រោយយកញញួរវាយទៅលើបងប្រុសបង្កើតរបស់ខ្លួនអោយរងរបួសធ្ងន់ កាលពីវេលាម៉ោង១២និង៤០នាទី ថ្ងៃទី១៥ ខែវិច្ឆិកា ឆ្នាំ២០២៣ នៅចំណុចក្រុមទី០៩ ភូមិកកោះ ឃុំអូរតាគី ស្រុកថ្មគោល ខេត្តបាត់ដំបង ។
ជនសង្ស័យត្រូវបានឃាត់ខ្លួនឈ្មោះ ផុន សុភ័ណ ភេទប្រុស អាយុ៣១ឆ្នាំ ររស់នៅភូមិកកោះ ឃុំអូរតាគី ស្រុកថ្មគោល ខេត្តបាត់ដំបង បានយកញញួរវាយទៅលើជនរងគ្រោះជាបងប្រុសបង្កើតឈ្មោះ ផុន ឆែម ភេទប្រុស អាយុ៤៥ឆ្នាំ បណ្តាលឱ្យរងរបួសត្រង់ក្បាល(របួសធ្ង្ងន់) ត្រូវបានក្រុមគ្រួសារបញ្ជូនទៅកាន់មន្ទីរពេទ្យបង្អែកខេត្តបាត់ដំបង ។
សមត្ថកិច្ចបានបញ្ជាក់ថា ចំពោះមូលហេតុដែលនាំឱ្យជនសង្ស័យធ្វេីសកម្មភាពបែបនេះគឺព្រោះតែខ្លួនបានខឹងនិងបងប្រុសបង្កើតចូលមកជួយនៅពេលដែលខ្លួនតាមរករឿងម្តាយបង្កេីតទើបខ្លួនយកញញួរវាយលើជនរងគ្រោះតែម្តង ៕
ដោយ ៖ សាលី