សន្តិសុខ និង សង្គម
សមត្ថកិច្ច ឃាត់ខ្លួនជនសង្ស័យ០៧នាក់ ករណីហិង្សាដោយចេតនា មានស្ថានទម្ងន់ទោស
បាត់ដំបង ៖ ជនសង្ស័យ០៧នាក់ ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង ធ្វើការបង្ក្រាបឃាត់ខ្លួន ពាក់ព័ន្ធករណីហិង្សាដោយចេតនា មានស្ថានទម្ងន់ទោស ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានអោយដឹងថា ជនសង្ស័យត្រូវបានឃាត់ខ្លួន មាន ៖ ១-ឈ្មោះ សុវណ្ណ តុលា ភេទប្រុស អាយុ២៧ឆ្នាំ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបង ។ ២-ឈ្មោះ បឹង ណេ ភេទប្រុស អាយុ២១ឆ្នាំ មានទីលំនៅភូមិរំចេក៤ សង្កាត់ រតនៈ ក្រុងបាត់ដំបង ។ ៣-ឈ្មោះ អ៊ុន វាសនា ភេទប្រុស អាយុ២២ឆ្នាំ មានទីលំនៅភូមិកំពង់សីមា សង្កាត់វត្តគរ ក្រុងបាត់ដំបង ៤-ឈ្មោះ គង់ លីហ៊ួរ ភេទប្រុស អាយុ២០ឆ្នាំ មានទីលំនៅ ភូមិវត្តគរ សង្កាត់វត្តគរ ក្រុងបាត់ដំបង ។ ៥-ឈ្មោះ ភី ផៃកុម្ភៈ ភេទប្រុស អាយុ ២៤ ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ៦-ឈ្មោះ វ៉ាង ស៊ីហុង ភេទប្រុស អាយុ១៩ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង ។ ៧-ឈ្មោះ ប៊ូ វីន ភេទប្រុស អាយុ១៧ឆ្នាំ មានទីលំនៅភូមិភ្នំសំពៅ ឃុំភ្នំសំពៅ ស្រុកបាណន់ ខេត្តបាត់ដំបង ជាមួយវត្ថុតាងដកហូតរួមមាន ៖ កាំបិតចំនួន ០២ដេីម និងពូថៅ ចំនួន ០១ ។
លោកបញ្ជាក់ថា កាលពីថ្ងៃទី០៥ ខែឧសភា ឆ្នាំ២០២២ វេលាម៉ោង ០៣និង០៧ នាទីទៀបភ្លឺ នៅចំណុចភូមិដំណាក់ហ្លួង សង្កាត់វត្តគរ ក្រុងបាត់ដំបង ក្រុមជនសង្ស័យខាងលើ បានធ្វេីសកម្មភាពប្រេីប្រាស់កាំបិត និងពូថៅ កាប់ទៅលេីជនរងគ្រោះ និងម៉ូតូ របស់ជនរងគ្រោះ ឈ្មោះ យ៉ាន ហ្វាដេល ភេទប្រុស អាយុ១៥ឆ្នាំ មានទីលំនៅភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង រួចក៏បានរត់គេចខ្លួន រហូតមកដល់ថ្ងៃបន្ទាប់ ទេីបសមត្ថកិច្ចយេីងធ្វេីការស្រាវជ្រាវនិងឃាត់ខ្លួនបានតែម្តង ។
ក្រោយឃាត់ខ្លួន សាកសួររួចមក ជនសង្ស័យត្រូវបានការិយាល័យជំនាញ កសាងសំណុំរឿងបញ្ជូនទៅសាលាដំបូងខេត្តបាត់ដំបង ចាត់ការបន្តតាមនីតិវិធីច្បាប់ ៕
ដោយ ៖ សាលី
