រថយន្តពីរគ្រឿង បុកប៉ះគ្នាពេញទំហឹង បណ្តាលអោយរងការខូចខាតយ៉ាងដំណំ

បាត់ដំបង ៖ រថយន្តម៉ាកហ៊ីយ៉ាន់ដាយ បុកប៉ះជាមួយនិងរថយន្តនីសាន់ ពេញទំហឹងបង្កការភ្ញាក់ផ្អើលនៅវេលាម៉ោង ១៩និង១៧នាទី ថ្ងៃទី០៧ ខែសីហា ឆ្ឆ្នាំ២០២៣ នៅតាមបណ្តោយផ្លូវហៃវេត្រង់ចំណុចផ្លូវបំបែកជាបួន ស្ថិតក្នុងភូមិបឹងរាំង សង្កាត់អូរម៉ាល់ ក្រុងបាត់ដំបង ។

ប្រភពនៅកន្លែងកើតហេតុ បានប្រាប់ថា នៅមុនពេលកើតហេតុគេឃើញរថយន្ដមួយគ្រឿងវម៉ាកហុីយានដាយ.(Hyundai)​ ពណ៌​ស ពាក់​ស្លាក​លេខ​ ភ្នំពេញ​ 3B-2803 បើកបរដោយបុរសម្នាក់តាមបណ្តោយផ្លូវហៃវេ ក្នុងទិសដៅពីជើងទៅត្បូង លុះមកដល់ចំណុចផ្លូវបំបែកជាបួន ភ្លាមនោះក៏ស្រាប់តែមានរថយន្តនីសាន់ចង្កូតស្តាំ ពណ៌ទឹកប្រាក់ មួយគ្រឿង ពាក់ផ្លាកលេខ ចង្កូតស្តាំ BB-1328 បើកបរដោយបុរសម្នាក់ឆ្លងកាត់ក្នុងទិសដៅពីកើតទៅលិច បុកប៉ះពេញទំហឹង តែសំណាងល្អ មិនមានគ្រោះថ្នាក់ធ្ងន់ធ្ងរដល់មនុស្សឡើយ  គឺ គ្រាន់តែខូចខាតរថយន្តទាំងសងខាងប៉ុណ្ណោះ ។

ក្រោយពេលកើតហេតុ ភាគីទាំងសងខាង ព្យាយាមសម្របសម្រួលគ្នាតែមិនត្រូវ ក៏បានទាក់ទងសមត្ថកិច្ចជំនាញចុះទៅវាស់វែង ធ្វើកំណត់ហេតុយករថយន្តទាំងពីរគ្រឿង ទៅរក្សាទុកនៅការិយាល័យជំនាញ ដើម្បីដោះស្រាយតាមផ្លូវច្បាប់ ៕
ដោយ ៖ សាលី