ឯកឧត្តម បោន ប៊ិន នាំយកកង់៥០គ្រឿង ផ្តល់ជូនសិស្សានុសិស្ស មានជីវភាពខ្វះខាត នៅស្រុកភ្នំស្រុក
បន្ទាយមានជ័យ ៖ ឯកឧត្តម បោន ប៊ិន សមាជិកអចិន្ត្រៃយ៍គណបក្សខេត្ត ប្រធានក្រុមការងារគណបក្សចុះមូលដា្ឋនស្រុកភ្នំស្រុក បាននាំយកកង់ ចំនួន៥០គ្រឿង ជាអំណោយរបស់លោក ឈឿង ឈីវអៀន ប្រធានសភាពាណិជ្ជកម្មខេត្តបន្ទាយមានជ័យឧបត្ថម្ភដល់សិស្សានុសិស្សមានជីវភាពខ្វះខាតជួបការលំបាក ចំនួន៥០នាក់ ក្នុងស្រុកភ្នំស្រុក ខេត្តបន្ទាយមានជ័យ ។
ពិធីសំណេះសំណាល និងប្រគល់កង់ជូនសិស្សានុសិស្សនេះ ធ្វើឡើងនៅថ្ងៃទី០២ ខែមេសា ឆ្នាំ២០២៣ នៅទីសា្នក់ការគណបក្សស្រុកភ្នំស្រុក ដោយមានការអញ្ជេីញចូលរួមពីអនុប្រធានក្រុមការងារគណបក្សចុះមូលដា្ឋនស្រុកភ្នំស្រុក លោកប្រធាន-អនុប្រធានចុះមូលដា្ឋនឃុំទាំង០៦ ក្នុងស្រុកភ្នំស្រុក យុវជនស្រុក-ឃុំ និងភូមិទាំង៥៩ សរុប១៨០នាក់ ។
ឯកឧត្តម បោន ប៊ិន បានមានប្រសាសន៍ផ្តាំផ្ញេី ការសាកសួរសុខទុក្ខពីសំណាក ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានក្រុមការងារាជរដ្ឋាភិបាលចុះជួយខេត្តបន្ទាយមានជ័យ ឯកឧត្ដម អ៊ុំ រាត្រី ប្រធានគណៈកម្មការគណបក្សប្រជាជនកម្ពុជាខេត្ត ជូនចំពោះសមាជិក-សមាជិការ ដោយក្តីនឹករលឹក ។
ឯកឧត្ដមលើកឡើងថា ក្នុងរយៈពេលជាង៤០ឆ្នាំកន្លងមកនេះ ដោយមានការជឿកជាក់លេីការដឹកនាំរបស់គណបក្សប្រជាជនកម្ពុជា បានធ្វេីឱ្យប្រទេសកម្ពុជា មានការអភិវឌ្ឍលើគ្រប់វិស័យ។ ទាំងអស់នេះក៏ដោយសារតែប្រជាជនកម្ពុជា ជឿជាក់លើការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី និងជាប្រធាគណបក្សប្រជាជនកម្ពុជា បានដឹកនាំប្រទេសតាំងពីចំណុចសូន្យ រហូតដល់មានការអភិវឌ្ឍន៍ និងមានអ្វីៗដូចសព្វថ្ងៃនេះ ។
ឯកឧត្តមបន្តថា គណបក្សប្រជាជនកម្ពុជា បានរក្សាខ្ជាប់នូវប្រពៃណីស្នេហាជាតិ និងសាមគ្គីភាព ឯកភាពផ្ទៃក្នុង ព្រមទាំងយកអស់កម្លាំងកាយ កម្លាំងចិត្ត ខិតខំសម្រេចរាល់ភារកិច្ចដែលគណបក្សប្រជាជនបានដាក់ចេញ និងកំពុងបន្តជម្រុញសកម្មភាពឥតថមថយ ទាំងការអនុវត្តកម្មវិធីនយោបាយ ទាំងការកសាងពង្រឹងគណបក្ស និងការផ្សារភ្ជាប់ជាមួយមូលដ្ឋាន ខិតខំដោះស្រាយបញ្ហាជីវភាពជូនប្រជាជនឱ្យបានកាន់តែល្អប្រសើរ ។
ក្រោយបញ្ចប់ការពិធីសំណេះសំណាល ឯកឧត្តម បោន ប៊ិន ក៏បាននាំយកអំណោយផ្តល់ជូនសមាជិក-សមាជិកា ចំនួន១១២នាក់ ក្នុងម្នាក់ៗ ទទួលបាន ៖ មីចំនួន០១កេស, សារ៉ុងចំនួន០១, អាវយឺតគណបក្សចំនួន០១ ។ លោកគ្រូ-អ្នកគ្រូ ចំនួន២០នាក់ ក្នុងម្នាក់ទទួលបាន ៖ មី០១កេស, សារ៉ុង០១, អាវយឺតគណបក្ស០១, និងបាល់ទះ១០គ្រាប់, បាល់ទាត់ ១០ គ្រាប់ សម្រាប់ចាត់ចែងតាមសាលា, ។ សិស្សានុសិស្សមានជីវភាពខ្វះខាតចំនួន៥០នាក់ ក្នុងម្នាក់ទទួលបានកង់ចំនួន០១គ្រឿង, កាបូបស្ពាយចំនួន០១ , សៀវភៅ១០ក្បាល , ប៊ិច២០ដើម, ខោអាវកីឡា០១កំប្លេ, និងសម្ភារ:សិក្សាមួយចំនួនទៀត ក្នុងនោះដែរការិយាល័យអប់រំស្រុកទទួលបានម៉ាស៊ីនព្រីនចំនួន០២គ្រឿងផងដែរ ៕