នគរបាលស្រុកគាស់ក្រឡ ឃាត់ខ្លួនជនសង្ស័យម្នាក់ ពីបទ រក្សាទុកសារធាតុញៀនខុសច្បាប់
បាត់ដំបង ៖ កម្លាំងជំនាញផ្នែកប្រឆាំងបទល្មើសគ្រឿងញៀន នៃអធិការដ្ឋាននគរបាលស្រុកគាស់ក្រឡ បានចុះបង្ក្រាបករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង ។
លោកវរសេនីយ៍ឯក ប៉ាង ហៀង អធិការរងនគរបាលស្រុកគាស់ក្រឡ បានអោយដឹងថា កិច្ចប្រតិបត្តិការខាងលើនេះ ធ្វើឡើងនៅវេលាម៉ោង១៤និង១១នាទី ថ្ងៃទី២៨ ខែមីនា ឆ្នាំ២០២៣ នៅចំណុចទួលខ្ពស់ ស្ថិតក្នុងភូមិបឹងរាំង ឃុំធិបតី ស្រុកគាស់ក្រឡ ខេត្តបាត់ដំបង ដោយបានឃាត់ខ្លួនជនសង្ស័យម្នាក់ឈ្មោះ ចិន ជឺនាង ភេទប្រុស អាយុ៣៨ឆ្នាំ មានទីលំនៅភូមិបឹងរាំង ឃុំធិបតី ស្រុកគាស់ក្រឡ ខេត្តបាត់ដំបង រួមជាមួយវត្ថុតាងចាប់យកបានរួមមាន ៖ ម្សៅក្រាមសថ្លាច្រកក្នុងថង់ប្លាស្ទិកសថ្លា ចំនួន ០៦ថង់ សង្ស័យមានសារធាតុញៀន, ទូរស័ព្ទដៃចំនួន ០១គ្រឿង ចាស់, ថង់សំរាប់រំលែកថ្នាំញៀន០១ដុំ, ឧបករណ៍សម្រាប់ប្រើប្រាស់ថ្នាំញៀនមួយចំនួន ។
ក្រោយឃាត់ខ្លួន ជនសង្ស័យរួមជាមួយវត្ថុតាងខាងលើ ត្រូវបាននគរបាលស្រុក រៀបចំសំណុំរឿងបញ្ជូនបន្តមកកាន់ការិយាល័យជំនាញ ដើម្បីអនុវត្តតាមផ្លូវច្បាប់ ៕
ដោយ ៖ សាលី