ថ្លើមធំណាស់​…! ​លោក​ប្រធាន​មន្ទីរ​សុរិយោដី​ខេត្តឧត្ដរមានជ័យ ហាន​ធ្វើ​ប័ណ្ណ​ រំលោភ​យក​ដី​បឹង​រមណីយដ្ឋាន​ផ្ទះ​តា​ម៉ុក​ ធ្វើជា​កម្ម​សិទ្ធ​ផ្ទាល់​ខ្លួន

1539

ឧត្ដរ​មាន​ជ័យ ៖ ​បែក​ធ្លាយ…! ​​ព័ត៌មាន​មកថា លោក​ គឹម​ គា​វិ​ន​ ប្រធាន​មន្ទីរ​​សុរិយោដី​ខេត្ត​ឧត្ដរមានជ័យ​ និង​លោក​ ស្ដើង ​វ៉ាន់ណេ​ត​ ប្រធាន​ការិយា​ល័យ​ភូមិបាល​ស្រុក​អន្លង់វែង ​បាន​វាស់វែង​ដី​បឹង​រមណីយដ្ឋាន​ផ្ទះ​តា​ម៉ុក ​ជា​លក្ខណៈ​ប្រព័ន្ធ​ ធ្វើជា​កម្ម​សិទ្ធ​ផ្ទាល់​ខ្លួន​។

សូម​បញ្ជាក់ថា​ ​ដី​បឹង​រមណីយដ្ឋាន​ផ្ទះ​តា​ម៉ុក​ ​គឺ​ជា​ទឹកដី​​ទីតាំង​ប្រវត្តិសាស្ត្រ​ខ្មែរ​ក្រហម​ ​ត្រូវ​បាន​រាជរដ្ឋាភិបាល​ចុះ​ក្នុង​បញ្ជី​ទុក​ជា​កន្លែង​ពិសេស​សម្រាប់​ខ្មែរ ​​នឹង​បរទេស​ ស្វែង​យល់​ពី​អំពី​របប​យង់ឃ្នង ​ខ្មែរក្រហម។

សារ​បែក​ធ្លាយ​ដដែល​ ​បាន​ទម្លាយ​ទៀត​ថា ​លោក​ គឹម គា​វិ​ន ប្រធាន​មន្ទី​រ​សុរិយោដី​ និង​លោក ​ស្ដើង​វ៉ាន់ណេត​ ប្រធាន​ការិយាល័យ​ភូមិបាល ​ស្រុក​អន្លង់វែង​ បាន​ទៅ​ធ្វើ​ការ​វាស់វែង​យក​ដី​បឹង​ផ្ទះ​តា​ម៉ុក ជា ​លក្ខណៈ​ប្រព័ន្ធ​ ​ មក​ធ្វើជា​កម្ម​សិទ្ធ​របស់​ខ្លួន​នោះ !​ គឺ​បាន​បែក​ធ្លាយ​នៅ​ពេល ​ដែល​បាន​បិទ​ប្រកាស​ផ្សាយ ក្បាលដី​ ដែល​ត្រូវ​បាន​វាស់វែង​ជា​លក្ខណៈ​ប្រព័ន្ធ​រួចរាល់ ​ក្នុងភូមិ​អូរ​ជញ្ចៀន​​ និង​ភូមិ​អភិវឌ្ឍន៍ ​ឃុំ​អន្លង់វែង​ស្រុក​អន្លង់វែង​ខេត្តឧត្ដរមានជ័យ​។​

បើ​យោងតាម​ឯកសារ​​ លោក គឹម​ គា​វិ​ន​ និង​លោក ​ស្ដើង ​វ៉ាន់ណេ​ត ​បាន​ចុះឈ្មោះ​ ក្នុង​ការ​ចុះបញ្ជី​កាន់​កាប់​ដី​ធ្លី​ ជា​លក្ខណៈប្រព័ន្ធ ​នៅ​បឹង​តា​ម៉ុក ​បាន​ដាក់​ថា ​ទ្រព្យ​រួម​ប្ដី​ប្រពន្ធ ។​ ​សូម​បញ្ជាក់​ថា​ក្នុង​នោះ​ ឈ្មោះ​របស់ ​លោក​ គឹម គា​វិ​ន ​នៅ​ក្នុង​ជួរ​លេខរៀង​​ ក្បាលដី ៨៥៥ ។​​​ចំណែក​លោក​ ស្ដែង​វ៉ាន់ណេត ​មាន​លេខរៀង​ក្បាលដី៨៦៦​។

ប្រជាពលរដ្ឋ​ បាន​ចោទ​ទៅលើ​ប្រធាន​មន្ទី​រ​សុរិយោដី​លោក ​គឹម​ គាវិន​ ថា​ការ​បិទ​ប្រកាស​ឈ្មោះ​ក្បាលដី​ ហាក់បីដូចជា​មានការ​តក់ក្រហល់ ​និង​លាក់លៀម​ ដោយ​មិនបាន​ប្រកាស​តាម​ប្រព័ន្ធ​ផ្សព្វផ្សាយ​ឡើយ​ ! ស្រាប់តែ​ថ្ងៃ​បិទ​ប្រកាស ​បែរជា​មក​បង្ហោះ​ នៅ​ថ្ងៃ​បញ្ចប់​ការ​បិទ​ប្រកាស​ទៅ​វិញ…? ហើយ​ការ​បិទ​ប្រកាស​នេះ ​មាន​រយៈពេល​តែ​១៥​ថ្ងៃ​តែប៉ុណ្ណោះ។​ ហេតុនេះ​ ​មាន​ប្រជា​ពលរដ្ឋ​ជាច្រើន​នាក់ ​ខកចិត្ត​មិនបាន​មក​ពិនិត្យមើល​លេខ​រៀង​ក្បាលដី​របស់​ខ្លួន​ឡើយ…! ​​។​ជុំវិញ​ការ​បែក​ធ្លាយ​ព័ត៌​មាន​នេះ ​​​លោក ​ស្ដើង វ៉ាន់ណេត ​ប្រធាន​ការិយាល័យ​ភូមិបាល​ស្រុក​អន្លង់វែង ​លោក​មិនបាន​បកស្រាយ​ទេ​ជុំវិញ​ករណី​យ​ខាង​លើ​នេះ​។ ​ចំណែក​ លោក ​គឹម គា​វិ​ន ប្រធាន​មន្ទី​រ​សុរិយោ​ខេត្តឧត្ដរមានជ័យ​ បាន​ឲ្យ​ដឹងថា ​ចំពោះ​ប្លង់​ដី ​ដែល​បាន​ចុះបញ្ជី​ជា​កម្មសិទ្ធ​ របស់​លោក​នោះ​ មិន​មែន​ស្ថិត​នៅក្នុង​តំបន់​អនុក្រឹត្យ​ផ្ទៃ​បឹង​ទេ ​គឺ​នៅ​ចម្ងាយ​៥០​ម៉ែត្រ​ ពី​អនុក្រឹត្យ ​ហើយ​​នៅ​មាន​ផ្លូវ ​ក្រវ៉ាត់​ផ្ទៃ​បឹង​មួយខ្សែទៀត ​មិនមែន​ដូច​ការ​ចោទ​ថា​ ទៅធ្វើ​ប្លង់​យក​ដី​ នៅក្នុង​ផ្ទៃ​បឹង​នោះ​ទេ​។ ​​ចំណែក​ការ​​ចោទ​ថា ​ការ​បិទ​ផ្សាយ​ ធ្វើឡើង​ដោយ​ការ​លាក់លៀម​នោះ​ គឺ​គ្មាន​ទេ ​គឺ​ធ្វើ​ឡើង​ទៅតាម​អនុក្រឹត្យ​ដោយ​មាន​ការចូលរួម​ពី​បណ្ដា​អ្នក​សារ​ព័ត៌មាន​ផងដែ​។

យោងទៅតាម​ការ​បកស្រាយ​របស់​លោក ​គឹម​ គា​វិ​ន​ អាច​បញ្ជាក់​បាន​ថា ​អោយ​តែ​ដី​មិន​ជាប់​ពាក់​ព័ន្ធ ឬ​នៅ​ទំនេរ​នោះ…! ​គឺ​​សុរិយោដី​ស្រុក​ខេត្ត​ ​អាង​អំណាច​ ​មាន​សិទ្ធ​ធ្វើ​ប័ណ្ណ​កម្ម​សិទ្ធ​ យក​ជា​កម្ម​សិទ្ធ​របស់​ខ្លួន​ បាន​ទាំង​អស់​ មិនថា​ ដីនោះ​ ជា​ដី​របស់​រដ្ឋ​ ​ឫ​ ដី​តំបន់​អភិរក្ស ​​​​ដែល​បាន​រក្សា​ទុក​។​ ​ ហេតុនេះហើយ​ ​ដី​ស្ថិតនៅ​ទីតាំង​ ​ដែល​មាន​ហាងឆេង​ដី​ថ្លៃ​ ត្រូវ​បាន​​លោក ​គឹម​ គា​វិ​ន​​ ​និង​លោក​ ស្ដែង​ វ៉ាន់ណេត​ ដើរ​ធ្វើ​ប្លង់​យក​មក​ធ្វើជា​កម្ម​សិទ្ធ​របស់​ខ្លួន​តែម្ដង​ ដូចជា ​ករណី​យ​ខាង​លើនេះ​​អញ្ចឹង​?៕(Update) សហការី 

និពន្ធដោយ ៖ 096 49 39 998

លោក​ គឹម​ គា​វិ​ន​ ប្រធាន​មន្ទីរ​​សុរិយោដី​ខេត្ត​ឧត្ដរមានជ័យ

ចំណែក