គ្រួសាររងគ្រោះដោយសារអគ្គីភ័យឆេះផ្ទះទទួលអំណោយមនុស្សធម៌ពីអនុសាខាកាកបាទក្រហមកម្ពុជា ស្រុកភ្នំព្រឹក

ខេត្តបាត់ដំបង៖ នៅថ្ងែទី ៣១ ខែមករា ឆ្នាំ២០២៣ លោក សុង សុភ័ក្ដ្រ ប្រធានគណ:កម្មាធិការអនុសាខាកាកបាទក្រហមកម្ពុជាស្រុកភ្នំព្រឹក និងសហការី បានចុះសួរសុខទុក្ខ និងនាំយកអំណោយមនុស្សធម៌ផ្តល់ជូនគ្រួសាររងគ្រោះដោយអគ្គីភ័យឆេះផ្ទះ ១គ្រួសារស្មើ១ ខ្នងផ្ទះ រស់នៅភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ។

នាឱកាសនោះ លោក សុង សុភ័ក្ដ្រ ប្រធានគណ:កម្មាធិការអនុសាខាស្រុក បានបានពាំនាំនូវប្រសាសន៍ផ្តាំផ្ញើរសាកសួរសុខទុក្ខ និងចូលរួមសោកស្តាយពីសំណាក់ពីសំណាក់ឯកឧត្តម សុខ លូ ប្រធានគណៈកម្មាធិការសាខាខេត្ត ដែលជានិច្ចកាលលោកតែងតែគិតគូដល់សុខទុក្ខប្រជាពលរដ្ឋដែលជួបគ្រោះមហន្តរាយបែបនេះ ស្របតាមពាក្យស្លោក “ទីណាមានទុក្ខលំបាក ទីនោះមានកាកបាទក្រហមកម្ពុជា ” និង “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល” និងបានផ្តាំផ្ញើបងប្អូនប្រជាពលរដ្ឋត្រូវចេះការពារខ្លួន និងបង្ការពីការរីករាលដាល ពីជំងឺកូវីដ-១៩ តាមការណែនាំរបស់ក្រសួងសុខាភិបាល និងវិធានការ ៣កុំ ៣ការពារ និង២ចូលរួម របស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ស្តីពីការទប់ស្កាត់ ការរីករាលដាល នៃជំងឺកូវីដ-១៩ ។

សម្ភារផ្តល់ជូនរួមមាន៖ អង្ករ ៥០គីឡូក្រាម មី២កេស ទឹកត្រី ១យួរ ទឹកស៊ីអ៊ីវ ១យួរនិង
ថវិកាចំនួន ៣០ម៉ឺនរៀលផងដែរ។