ប្រទះឃើញក្បាលគ្រាប់យុទ្ធភ័ណ្ឌចំនួន០១គ្រាប់នៅពេលចុះជីកដាក់ប្រព័ន្ធលូរំដោះទឹក

ខេត្តបាត់ដំបង! ក្បាលគ្រាប់យុទ្ធភ័ណ្ឌចំនួន០១គ្រាប់ត្រូវបានក្រុមជំនាញបច្ចេកទេសនៃមន្ទីរសាធារណការនិងដឹកជញ្ជូនខេត្តបាត់ដំបង និងក្រុមអនាម័យរកឃើញនៅពេលជីកដាក់ប្រព័ន្ធលូរំដោះទឹកនៅតាមដងផ្លូវសាធារណៈ។

លោកអនុសេនីយ៍ឯក ឆោម ឈឿយ នាយរងផ្នែកសណ្តាប់ធ្នាប់សាធារណៈបានអោយដឹងថា ការប្រទះឃើញក្បាលគ្រាប់ចំនួន០១គ្រាប់ខាងលើនេះបានកើតឡើងនៅវេលាម៉ោង ១៤និង៣០នាទី ថ្ងៃទី០៩ ខែមករា ឆ្នាំ២០២៣ នៅលើកំណាត់ផ្លូវលេខ១០៧ ស្ថិតក្នុងក្រុមទី៣ ភូមិបែកចានថ្មី សង្កាត់ព្រែកព្រះស្តេច ក្រុងបាត់ដំបង ដែលជាប្រភេទក្បាលគ្រាប់កាំភ្លើងផ្លោង(គ្រាប់បែកចង្កោម)ទំហំ ១០៥mm។

 ក្រោយពីប្រទះរកឃើញនិងពិនិត្យរួច គ្រាប់យុទ្ធភ័ណ្ឌខាងលើត្រូវបានប្រគល់ជូនអង្គភាពស៊ីម៉ាក់ នៅមជ្ឈមណ្ឌលសកម្មភាពកម្ចាត់មីនកម្ពុជាប្រចាំខេត្តបាត់ដំបងដើម្បីយកទៅរក្សាទុករងចាំពេលវេលាធ្វើការដុតបំផ្លាញចោលនៅពេលក្រោយ។