សន្តិសុខ និង សង្គម
ទំនាស់ពាក្យសំដី ឪពុកចុងប្រេីហិង្សាលើកូនចុង បណ្តាលឱ្យរងរបួសធ្ងន់ ចុងក្រោយត្រូវសមត្ថកិច្ចឃាត់ខ្លួន
បាត់ដំបង ៖ កម្លាំងផ្នែកជំនាញនៃអធិការដ្ឋាននគរបាលស្រុកសំពៅលូន រួមជាមួយកម្លាំងប៉ុស្តិ៍នគរបាលរដ្ឋបាលសន្តិភាព បានធ្វើការស្រាវជ្រាវបង្ក្រាបឃាត់ខ្លួនជនសង្ស័យជាឪពុកចុងម្នាក់ ក្នុងករណីហិង្សាដោយយកញញួរដែក វាយទៅលើកូនស្រីចុង បណ្តាលអោយរងរបួសធ្ងន់ ។
សមត្ថកិច្ចបានអោយដឹងថា កិច្ចប្រតិបត្តិការបង្ក្រាបឃាត់ខ្លួនជនសង្ស័យក្នុងករណីហិង្សានេះ ធ្វើឡើងនៅវេលាម៉ោង ១៣និង២០ នាទី ថ្ងៃទី១៩ ខែមីនា ឆ្នាំ២០២២ នៅចំណុចភូមិអូរស្ងាត់ ឃុំសន្តិភាព ស្រុកសំពៅលូន ខេត្តបាត់ដំបង ដែលជនសង្ស័យឈ្មោះ ស៊ឹម ស្រួច ភេទប្រុស អាយុ ៣៥ឆ្នាំ មានទីលំនៅភូមិអូរស្ងាត់ ឃុំសន្តិភាព ស្រុកសំពៅលូន ខេត្តបាត់ដំបង ដោយនាំមកកាន់អធិការដ្ឋាននគរបាលស្រុក បន្ទាប់ពីទទួលបាននូវពាក្យបណ្តឹងរបស់គ្រួសារជនរងគ្រោះរួចមក ដោយក្នុងនោះបានដកហូតញញួរដែកចំនួន០១ជាវត្ថុតាងផងដែរ។
សមត្ថកិច្ចបានបញ្ជាក់ថា មូលហេតុដែលឈានដល់ការឃាត់ខ្លួននេះ គឺកាលពីថ្ងៃទី១៨ ខែមីនា ឆ្នាំ២០២២ វេលាម៉ោងប្រមាណ ២២និង០៥នាទី នៅចំណុចក្រុមទី១០ ភូមិអូស្ងាត់ ឃុំសន្តិភាព ស្រុកសំពៅលូន ជនសង័្សយដែលជាឪពុកចុងរូបនេះ បានស្តីបន្ទោសខណៈដែលគាត់ឃេីញកូនស្រីទូរស័ព្ទទំនាក់ទនងជាមួយ(បុរស) ហេីយការហាមឃាត់ពីសំណាក់ឪពុកចុងនេះ មិនត្រូវបានកូនចុងទទួលយកនោះទេ ដែលជាហេតុនាំទៅដល់កេីតទំនាស់ពាក្យសំដីដាក់គ្នា រហូតឪពុកចុងបានប្រេីប្រាស់ញញួរដែក វាយទៅលេីកូនចុងឈ្មោះ ហ៊ន ស្រីណា ភេទស្រី អាយុ១៧ឆ្នាំ រស់នៅក្នុងផ្ទះជាមួយគ្នាចំនួន០៤ញញួរ បណ្តាលឱ្យរងរបួសធ្ងន់ត្រូវនាំយកទៅសង្រ្គោះនៅមន្ទីរពេទ្យភ្លាមៗផងដែរ។
បច្ចុប្បន្នជនសង្ស័យ និងវត្ថុតាងត្រូវបាន នគរបាលស្រុកកំពុងកសាងសំណុំរឿង បញ្ជូនមកការិយាល័យ ជំនាញចាត់ការបន្តតាមនីតិវិធីច្បាប់ ៕
ដោយ ៖ សាលី
