នគរបាលស្រុកសង្កែ ឃាត់ខ្លួនជនសង្ស័យ០១នាក់ ពីបទរក្សាទុកសារធាតុញៀន
បាត់ដំបង ៖ កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកសង្កែ បានចុះប្រតិបត្តិការបង្ក្រាបករណីរក្សាទុកដោយខុសច្បាប់ នូវសារធាតុញៀនមួយករណី ក្នុងបទល្មើសជាក់ស្តែង ។
លោកវរសេនីយ៍ទោ សំ ប៊ុនហេង អធិការរងស្រុកសង្កែ ទទួលបន្ទុកផ្នែកគ្រឿងញៀន បានអោយដឹងថា កិច្ចចុះប្រតិបត្តិការខាងលើនេះ ធ្វើឡើងនៅវេលាម៉ោ០៩និង៣០នាទី ថ្ងៃទី០១ ខែធ្នូ ឆ្នាំ២០២២ នៅចំណុចក្រុមទី០១ ភូមិច្រាបវាល ឃុំអន្លង់វិល ស្រុកសង្កែ ខេត្តបាត់ដំបង ក្រោមបទបញ្ជាផ្ទាល់របស់លោកវរសេនីយ៍ទោ យុត តុងហូ ដែលជាអធិការ ។
ជាមួយកិច្ចប្រតិបត្តិការខាងលើនេះដែរ សមត្ថកិច្ចបានធ្វើការឃាត់ខ្លួនជនសង្ស័យចំនួន០១នាក់ ឈ្មោះ គៀង សុវណ្ណថង ភេទប្រុស អាយុ៣១ឆ្នាំ មានទីលំនៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង រួមជាមួយវត្ថុតាងចាប់យកបានរួមមាន ៖ ម្សៅក្រាមពណ៌សថ្លា ច្រកក្នុងថង់ប្លាកស្ទិកថ្លាចំនួន០១ថង់ ទម្ងន់(០.៩២ក្រាម)ទាំងសំបក, ដែកកេះកែច្នៃចំនួន០១, នាឡិកាចំនួន០១, ទូរស័ព្ទដៃចំនួន០១គ្រឿង, ម៉ូតូម៉ាកហុងដាឃ្លិកចំនួន០១គ្រឿង ។
ជនសង្ស័យ ក្រោយពីឃាត់ខ្លួន ត្រូវបាននគរបាលជំនាញ កសាងសំណុំរឿង ដើម្បីចាត់ការបន្តតាមនីតិវិធីច្បាប់ ៕
