រថយន្តពីរគ្រឿងបុកគ្នាពេញទំហឹងបណ្តាលអោយក្រឡាប់និងមនុស្ស០៤នាក់រងបួសស្រាល

ខេត្តបាត់ដំបង! យ៉ាងហោចណាស់មនុស្ស០៤នាក់បានរងរបួសស្រួលចំណែករថយន្តខូចខាតយ៉ាងដំណំនៅក្នុងហេតុការណ៍គ្រោះថ្នាក់ចរាចរណ៍មួយដែលកើតឡើងរវាងរថយន្តពីរគ្រឿងបុកគ្នានៅលើកំណាត់ផ្លូវជាតិលេខ៥៧។

សមត្ថកិច្ចបានអោយដឹងថា ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងនៅវេលាម៉ោង១៦និង១០ នាទីថ្ងៃទី១០.ខែវិច្ឆិកា ឆ្ឆ្នាំ២០២២ នៅលើកំណាត់ផ្លូវជាតិ​លេខ​៥៧ ស្ថិតក្នុងភូមិកំប៉ូវ ឃុំភ្នំសំពៅ ស្រុកបាណន់ ខេត្តបាត់ដំបង។
ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្ដកូរ៉េដឹកទំទិញ(ដឹកផ្លែល្ហុង)មមួយគ្រឿងពណ៌ខៀវ.ពាក់​ផ្លាកលេខ​ បាត់ដំបង 3A.1719  បើកបរ​ដោយបុរសម្នាក់ក្នុងទិសដៅពីលិចទៅកើត(ប៉ៃលិនមកបាត់ដំបង) លុះមកដល់ចំណុចកើតហេតុខាងលើក៏ស្រាប់តែមានរថយន្តកូរូឡាពណ៌ទឹកប្រាក់មួយគ្រឿង ពាក់ផ្លាកលេខបាត់ដំបង 2B.9718 បើកបរដោយបុរសម្នាក់ក្នុងទិសដៅពីកើតទៅលិច និងបានរ៉េចង្កូតទៅបុករថយន្តកូរ៉េអោយក្រឡាប់ចាក់ល្ហុងចោលពេញផ្លូវ រថយន្តទាំងសងខាងខូចខាតយ៉ាងដំណំ ចំណែកអ្នកបើកបរនិងអ្នករួមដំណើរសរុប០៤នាក់រងរបួសស្រាលផងដែរ។

  ក្រោយពេលកើតហេតុសមត្ថកិច្ចជំនាញបានចុះទៅដល់ធ្វើគំនូសហេតុនិងដឹកបញ្ជូនជនរងគ្រោះ​ទៅព្យាបាលនៅឯមន្ទីរពេទ្យ ចំណែករថយន្តទាំងពីរគ្រឿងត្រូវបានស្ទូចយកទៅរក្សាទុកនៅការិយាល័យចរាចរណ៍ផ្លូវគោកដើម្បីរងចាំដោះស្រាយតាមផ្លូវច្បាប់។