ព័ត៌មានជាតិ
បញ្ជូនខ្លួនក្រុមអ្នកញៀនល្បែងស៊ីសងតាមអនឡាញOnline ចំនួន១២នាក់ទៅកាន់តុលាការ
ខេត្តបាត់ដំបង! កាលពីថ្ងៃទី៥ ខែវិច្ឆិកា ឆ្នាំ២០២២ កម្លាំងការិយាល័យជំនាញនៃស្នងការដ្ឋាននគរបាលខេត្តបាត់ដំបង បានបញ្ជូនខ្លួនជនសង័្សយប្រុស ស្រីចំនួន១២នាក់ដែលជាមុខសញ្ញាលួចលាក់ប្រព្រឹត្តល្បែងស៊ីសងតាមប្រព័ន្ធអនឡាញ Online ដោយខុសច្បាប់នៅក្នុងក្រុងបាត់ដំបងទៅកាន់អយ្យការអមសាលាដំបូងខេត្តបាត់ដំបង ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទ័ណ្ឌកម្រិតស្រាលបានអោយដឹងថា នៅក្នុងកិច្ចប្រតិបត្តិការឃាត់ខ្លួនអ្នកញៀនល្បែងព្រមទាំងអ្នកចាត់ចែងក្នុងនោះផង ធ្វេីឡេីងកាលពីថ្ងៃទី០៣ ខែវិច្ឆិកា ឆ្នាំ២០២២ នៅចំណុចទីតាំង០៣ផ្សេងគ្នាក្នុងក្រុងបាត់ដំបង ដោយអនុវត្តបទបញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការ ក៏ដូចជាលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ និងលោកវរសេនីយ៍ទោ ភួង ច័ន្ទតារា ស្នងការរងជំនួយការការងារការិយាល័យព្រហ្មទ័ណ្ឌកម្រិតស្រាល ដែលមានលោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទ័ណ្ឌកម្រិតស្រាលបានដឹកនាំកម្លាំង រួមជាមួយសមត្ថកិច្ចនគរបាលក្រុងបាត់ដំបងដែលមានលោកវរសេនីយ៍ឯក ពេជ្រ សារ៉ែន ជាអធិការ បានអនុវត្តការងារនេះដែលមានតំណាងអយ្យការចូលរួមផងដែរ។
ក្រោយធ្វេីការសាកសួរស្រាវជ្រាវរួចមកជនសង្ស័យទាំង១២នាក់ត្រូវបានសមត្ថកិច្ចរៀបចំបញ្ជូនទៅអយ្យការអមសាលាដំបូង ខេត្តបាត់ដំបង ដើម្បីអនុវត្តតាមផ្លូវច្បាប់៕
