អាវុធហត្ថស្រុកសង្កែ ឃាត់ខ្លួនជនសង្ស័យ០៦នាក់ ពីបទជួញដូរសារធាតុញៀន
បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកសង្កែ ឃាត់ខ្លួនជនសង្ស័យចំនួន០៦នាក់ ពីបទ ជួញដូរដោយខុសច្បាប់នូវសារធាតុញៀន។
កិច្ចប្រតិបត្តិការខាងលើនេះ ធ្វើឡើងនៅវេលាម៉ោង ១៥និង២០នាទី ថ្ងៃទី១៧ ខែធ្នូ ឆ្នាំ២០២៤ នៅភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង ដោយបានឃាត់ខ្លួនជនសង្ស័យ ចំនួន ០៦នាក់ ៖ ១-ឈ្មោះ បូ វ៉ុន ភេទប្រុស អាយុ៤២ឆ្នាំ, ២-ឈ្មោះ ង៉ា តុលា ហៅយ៉ា (មេក្លោង) ភេទប្រុស អាយុ៤១ឆ្នាំ, ៣-ឈ្មោះ សេង វណ្ណី ភេទប្រុស អាយុ២០ឆ្នាំ, ៤-ឈ្មោះ គឺត សុភា ហៅ ចាយ ភេទប្រុស អាយុ៣៤ឆ្នាំ, ៥-ឈ្មោះ វឺន វង់ ភេទប្រុស អាយុ ៣៣ឆ្នាំ, ៦-ឈ្មោះ អាន សំណាង ភេទប្រុស អាយុ៣៥ឆ្នាំ ។
ប្រតិបត្តិការនេះដែរ សមត្ថកិច្ចដតហូតបានវត្ថុតាងរួមមាន ៖ ១.គ្រឿងញៀនប្រភេទម្សៅក្រាមពណ៌សថ្លា ចំនួន០៧កញ្ចប់ ទម្ងន់ ៩.៤១ក្រាម, ២.ជញ្ជីងសម្រាប់ថ្លឹងគ្រឿងញៀន០១គ្រឿង, ៣-ថង់សម្រាប់វេចខ្ចប់គ្រឿងញៀនមួយចំនួន, ៤.ឧបករណ៍សម្រាប់ប្រើប្រាស់គ្រឿងញៀនមួយចំនួន, ៥.ទូរស័ព្ទដៃចំនួន០៥គ្រឿង, ៦.ប្រាក់ខ្មែរចំនួន ១,១០០,០០០រៀល (មួយលានដប់ម៉ឺនរៀល), ៧.ម៉ូតូចំនួន០២គ្រឿង ។
បច្ចុប្បន្ន:ជនសង្ស័យ និងវត្ថុតាងកំពុងកសាងសំណុំរឿងបញ្ជូនទៅអាវុធហត្ថខេត្តបាត់ដំបង ដើម្បីបន្តនីតិវិធី ៕
ដោយ ៖ សាលី
