បើកបរខ្វះការប្រុងប្រយ័ត្ន ទៅបុកម៉ូតូពីមុខពេញទំហឹង បណ្តាលអោយយុវជនម្នាក់ស្លាប់ភ្លាមនឹងកន្លែង

បាត់ដំបង ៖ យុវជនម្នាក់ស្លាប់ភ្លាមៗ ក្រោយជួបឧបទ្ទវហេតុគ្រោះថ្នាក់ចរាចរណ៍នៅវេលាម៉ោង ៧និង១០នាទី ថ្ងៃទី០៨ ខែធ្នូ ឆ្នាំ២០២៤ ស្ថិតនៅភូមិអន្លុងក្រូច ឃុំបួរ ស្រុកភ្នំព្រឹក ខេត្តបាត់ដំបង ។

ប្រភពពីពលរដ្ឋនៅកន្លែងកើតហេតុ បានអោយដឹងថា ករណីគ្រោះថ្នាក់ចរាចរណ៍ខាងលើនេះដែរបានកើតឡើងរវាង រថយន្តម៉ាកសាំយ៉ុងពណ៌ទឹកប្រាក់ ពាក់ស្លាកលេខ ភ្នំពេញ 2AF 1365 បើកបរដោយឈ្មោះ ឌៀប ថាញ់ ភេទប្រុស អាយុ៤៣ឆ្នាំ រស់នៅភូមិស្ពានត្នោត ឃុំស្ពានត្នោត ស្រុកជីក្រែង ខេត្តសៀមរាប ទិសដៅបញ្ច្រាស់គ្នាពីកើតទៅលិច ចំណែកម៉ូតូម៉ាកវេវពណ៌ក្រហមខ្មៅ បើកបរដោយឈ្មោះ ទឿង កុសល ភេទប្រុស អាយុ ១៣ឆ្នាំ  រស់នៅភូមិដំណាក់បេង ឃុំបួរ ស្រុភ្នំព្រឹក ខេត្តបាត់ដំបង ទិសដៅពីលិចទៅកើត លុះមកដល់ចំណុចកើតហេតុខាងលើក៏ស្រាប់តែជ្រុលចង្កូតទៅបុកគ្នាពេញទំហឹងបណ្តាលអោយអ្នកបើកបរម៉ូតូស្លាប់ភ្លាមៗតែម្តង។

ក្រោយពីកើតហេតុសម្ថតកិច្ចជំនាញបានចុះទៅត្រួតពិនិត្យនិងបានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី ចំំណែកមធ្យោបាយទាំងពីរត្រូវបានវាស់វែងធ្វើកំណត់ហេតុយកទៅរក្សាទុកនៅប៉ុស្តិ៍នគរបាលរដ្ឋបាលបួរដើម្បីរងចាំធ្វើការដោះស្រាយតាមនីតិវិធីច្បាប់ ៕

ដោយ ៖ សាលី