គ្រាប់យុទ្ធភ័ណ្ឌមិនទាន់ផ្ទុះ ជាច្រើនគ្រាប់ត្រូវបានពលរដ្ឋប្រទះឃើញ ក្បែព្រៃសហគមន៍ក្នុងភូមិសាស្ត្រស្រុកសំឡូត

បាត់ដំបង ៖ គ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ត្រូវបានពលរដ្ឋប្រទះឃើញក្បែព្រៃសហគមន៍មួយកន្លែងនៅក្នុងភូមិសាស្ត្រស្រុកសំឡូត នៃខេត្តបាត់ដំបង។

គ្រាប់យុទ្ធភ័ណ្ឌខាងលើគឺជាគ្រាប់ដែលសាសសល់តាំងពីសម័យសង្គ្រាមហើយត្រូវបានពលរដ្ឋប្រទះឃើញនៅវេលាម៉ោង០៨និង០០នាទី ថ្ងៃទី២៤ ខែវិច្ឆិកា ឆ្នាំ២០២៤ នៅចំណុចក្បែរព្រៃសហគមន៍  មួយកន្លែង ស្ថិតក្នុងភូមិតាតោក ឃុំតាតោក ស្រុកសំឡូត ខេត្តបាត់ដំបង​ ។

សមត្ថកិច្ចបានបញ្ជាក់ថា គ្រាប់យុទ្ធភ័ណ្ឌខាងលើសរុបមានចំនួន ២៩គ្រាប់ ក្នុងនោះគ្រាប់កាំភ្លើងត្បាល់ 60mm ចំនួន ១៨គ្រាប់ ,គ្រាប់កាំភ្លើងត្បាល់ 82mm ចំនួន ៥គ្រាប់ ,គ្រាប់បែកដៃ F1 ចំនួន ១គ្រាប់ ,និងគ្រាប់ B40 ចំនួន ៥គ្រាប់ ហើយបន្ទាប់មកបានប្រគល់ជូនមន្ត្រីជំនាញ Hallo trust ដើម្បីយកទៅកម្ទេចចោលនៅពេលក្រោយ ៕

ដោយ ៖ សាលី