អគ្គីភ័យឆាបឆេះផ្ទះ០១ខ្នង ដោយមិនដឹងមូលហេតុ

បាត់ដំបង ៖ ផ្ទះវិឡាតឿ០១ខ្នង ត្រូវបានអគ្គីភ័យឆាបឆេះ បង្កការភ្ញាក់ផ្អើលនៅវេលាម៉ោងប្រហែល ២៣ និង ៣០ នាទីថ្ងៃទី០៨ ខែសីហា ឆ្នាំ២០២៤ នៅត្រង់ចំណុចភូមិដំណាក់ហ្លួង សង្កាត់វត្តគ ក្រុងបាត់ដំបង ។

ផ្ទះដែលត្រូវអគ្គីភ័យឆាបឆេះខាងលើ ជាប្រភេទ(វិឡាតឿ)ទំហំ ៩ម៉ែត្រX១២ម៉ែត្រ សង់អំពីថ្ម ដំបូកប្រក់ក្បឿង ឆេះអស់ប្រហែល៣០%ដែលមានម្ចាស់ឈ្មោះ ឡៅ សុខា ភេទស្រី អាយុ៥៦ឆ្នាំ។

សមត្ថកិច្ចបានបញ្ជាក់ថា ករណីគ្រោះអគ្គីភ័យនេះដែរ ការិយាល័យនគរបាលបង្ការពន្លត់អគ្គីភ័យ និងសង្រ្គោះ បានចេញរថយន្តពន្លត់អគ្គីភ័យចំនួន២គ្រឿង ក្នុងការចុះអន្តរាគមន៍ពន្លត់ ដោយប្រើប្រាស់ទឹកអស់ចំនួន០១រថយន្ត ទើបរលត់ទាំងស្រុង ហើយក៏មិនបង្កអោយមានគ្រោះថ្នាក់ដល់អាយុជីវិត ឬឆ្លងទៅផ្ទះអ្នកជិតខាងឡើយ ហើយមូលហេតុស្ថិតក្នុងការស្រាវជ្រាវ ៕

ដោយ ៖ សាលី