ស្ត្រីចំណាស់ម្នាក់ ត្រូវបានជនមិនស្គាល់មុខ កាប់ជាច្រើនកាំបិត បណ្តាលអោយដាច់ក ស្លាប់ភ្លាមៗ

បាត់ដំបង ៖ ស្ត្រីវ័យចំណាស់ម្នាក់ ត្រូវបានជនមិនស្គាល់មុខ កាប់ជាច្រើនកាំបិតបណ្តាលអោយដាច់ក ស្លាប់ភ្លាមៗ បង្កការភ្ញាក់ផ្អើលនៅវេលាម៉ោង ១៣និង១០នាទី ថ្ងៃទី០៦ ខែកក្កដា ឆ្នាំ២០២៤ នៅចំណុចក្រុមទី៦ ភូមិច្រាបក្រសាំង សង្កាត់វត្តគរ ក្រុងបាត់ដំបង ។

ពលរដ្ឋនៅកន្លែងកើតហេតុ បានប្រាប់ថា នៅមុនពេលកើតហេតុ ជនរងគ្រោះឈ្មោះ ហោ ប៉ុក ភេទស្រី អាយុ ៨៤ឆ្នាំ រស់នៅក្រុមទី៦ ភូមិច្រាបក្រសាំង សង្កាត់វត្តគរ ក្រុងបាត់ដំបង បានដើរមកពីទិញសាប៊ូបោកខោអាវ ទិសដៅពីលិចទៅកើតដើម្បីទៅផ្ទះ បន្ទាប់មកក៏មានជនមិនស្គាល់មុខម្នាក់បានជិះកង់មកពីក្រោយផុតប្រហែល៦០ម៉ែត្រ បានជិះត្រឡប់មកវិញ និងបានទាញកាំបិតខ្វែវពីក្រោយខ្នង កាប់ទៅលើក្បាល និងក បណ្តាលអោយដេកស្លាប់ស្តូកស្តឹង នៅកណ្តាលផ្លូវតែម្តង។

ក្រោយពេលកើតហេតុ សមត្ថកិច្ចជំនាញ បានចុះមកពិនិត្យ និងស្រាវជ្រាវស្វែងរកជនសង្ស័យ ដើម្បីយកមកផ្តន្ទាទោស តាមផ្លូវច្បាប់ ៕

ដោយ ៖ សាលី