អាវុធហត្ថស្រុកភ្នំព្រឹក ឃាត់ខ្លួនជនសង្ស័យ០២នាក់ពាក់ព័ន្ធករណីថ្នាំញៀន
បាត់ដំបង ៖ កម្លាំងមូលដ្ឋានកងរាជអាវុធហត្ថស្រុកភ្នំព្រឹក បានធ្វើការឃាត់ខ្លួនជនសង្ស័យ០២នាក់ជាបន្តបន្ទាប់ ពាក់ព័ន្ធក្នុងករណីជួញដូរដោយខុសច្បាប់នូវសារធាតុញៀន។
កិច្ចប្រតិបត្តិការនេះ ធ្វើឡើងនៅវេលាម៉ោង ១៦និង៣០នាទី ថ្ងៃទី២៥ ខែមិថុនា ឆ្នាំ២០២៤ នៅពេលដែលកម្លាំងចុះល្បាតនៅចំនុចមុខវត្តរត្តន: ស្ថិតក្នុងភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង និងបានធ្វើការត្រួតពិនិត្យលើឈ្មោះ នួក ម៉ៃ ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិភ្នំតូច ឃុំពេជ្រចិន្តា ស្រុកត្ភ្នំព្រឹក ខេត្តបាត់ដំបង ដោយឆែករកឃើញថ្នាំញៀន ០១កញ្ចប់តូចនៅក្នុងម៉ូតូ បន្ទាប់មកបានឆែកលំនៅដ្ឋានរបស់ឈ្មោះ ជិន សំណាង ភេទប្រុស អាយុ២៧ឆ្នាំ មុខរបរជាងរថយន្ត រស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង និងបានដកហូតសម្ភារ:រួមមាន ៖ ថ្នាំញៀនប្រភេទម្សៅក្រាមពណ៌សថ្លា ម៉ាទឹកកក ( ICE) ចំនួន ០២កញ្ចប់ សរុប០៣ កញ្ចប់មានទម្ងនចំនួន ៣៣.៧៨ ក្រាម ( ថ្លឹងទាំងថង់) ,ទួរស័ព្ទ ០២គ្រឿង ,ម៉ូតូចំនួន ០២គ្រឿង ,ដបទឹកសម្រាប់ជក់ច្នាំ ០១ដប,ដែកកេះ ចំនួន០៣, និងថង់ផ្លាស់ស្ទិចសម្រាប់ច្រកថ្នាំចំនួន ០៤ថង់។
បច្ចុប្បន្ន ជនសង្ស័យនិងវត្ថុតាង កំពុងឃាត់នៅអាវុធហត្ថស្រុកភ្នំព្រឹក ដើម្បីកសាងសំណុំរឿងចាត់ការបន្តតាមនីតិវិធី ៕
ដោយ ៖ សាលី