ឃាត់ខ្លួនជនសង្ស័យ០៣នាក់ ជាមួយថ្នាំញៀន និងវត្ថុតាងមួយចំនួន

បាត់ដំបង ៖ កម្លាំងការិយាល័យជំនាញនៃកងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យ០៣នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន ។

លោកអនុសេនីយ៍ទោ មុយ វណ្ណដេត បានអោយដឹងថា កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៤និង២០នាទី ថ្ងៃទី១១.ខែមិថុនា.ឆ្នាំ២០២៤ នៅចំណុចភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង ដោយបានឃាត់ខ្លួនជនសង្ស័យចំនួន ០៣នាក់រួមមាន ៖ ១.ឈ្មោះ ថ្លាន់ ឧត្តម ភេទប្រុស អាយុ ២៥ ឆ្នាំ មុខរបរបើកឡាន មានទីលំនៅភូមិអូរខ្ជាយ ឃុំវត្តតាមឹម ស្រុកសង្កែ ខេត្តបាត់ដំបង, ២.ឈ្មោះ ខ្លឹង ចាន់រិទ្ធ ភេទប្រុស អាយុ ២៦ឆ្នាំ មុខរបរធ្វើចំការ មានទីលំនៅភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង, ៣.ឈ្មោះ ម៉ែត ស៊ីខៀវ ភេទប្រុស អាយុ ២៣ឆ្នាំ មុខរបរកម្មករ មានទីលំនៅភូមិអូរស្រឡៅ ឃុំវត្តតាមឹម ស្រុកសង្កែ ខេត្តបាត់ដំបង។

វត្ថុតាងដកហូតរួមមាន ៖ គ្រឿងញៀន ម្សៅក្រាមពណ៌សថ្លា ( ICE ) ចំនួន ១១ កញ្ចប់ ទម្ងន់ ៥,១២ ក្រាម (ទាំងសំបក) , ម៉ូតូចំនួន ០១គ្រឿង  ,ទូរស័ព្ទ ០២គ្រឿង, កាំបិតខ្វែវ ០៣ដើម, កាំភ្លើងខ្យល់ ០២ដើម, អាំងវិចទ័រឆក់ត្រី ០១គ្រឿង ក្រោយមកទាំងជនសង្ស័យ រួមនឹងវត្ថុតាង ត្រូវបានសមត្ថកិច្ចកំពុងឃាត់ខ្លួននៅការិយាល័យជំនាញ ដើម្បីចាត់ការតាមនីតិវិធី ៕