ឃាត់ខ្លួនក្រុមក្មេងទំនើងចំនួន០៥នាក់ក្រោយឈ្លោះប្រកែកពាក្យសំដីរកវាយតប់គ្នា
(ខេត្តបាត់ដំបង) អាវុធហត្ថស្រុកមោងឫស្សី បានធ្វើការឃាត់ខ្លួនក្រុមក្មេងទំនើងចំនួន០៥នាក់ក្រោយពួកគេឈ្លោះប្រកែកពាក្យសំដីរកវាយតប់គ្នា។
ការនាំខ្លួននេះធ្វើឡើងនៅវេលាម៉ោង ១៦និង៤០នាទី ថ្ងៃទី០៦ ខែមិថុនា ឆ្នាំ២០២៤ នៅត្រង់ចំណុចទល់មុខសាលាអនុវិទ្យាល័យមោងឫស្សី ស្ថិតក្នុងភូមិកន្សៃបន្ទាយ ឃុំមោង ស្រុកមោងឫស្សី ខេត្តបាត់ដំបង ដោយបាននាំខ្លួនក្រុមក្មេងទំនើងពីរក្រុមមានគ្នាចំនួន០៥នាក់ និងម៉ូតូ០២គ្រឿង ខណៈដែលពួកគេឈ្លោះប្រកែកពាក្យសំដីរកវាយតប់គ្នា។
ក្មេងទំនើងត្រូវបាននាំខ្លួន /ទី១-ឈ្មោះ សឿន សុខណា ភេទប្រុស អាយុ១៦ឆ្នាំ មុខរបរសិស្ស /ទី២-ឈ្មោះ ភាព ដារ៉ូ ភេទប្រុស អាយុ១៤ឆ្នាំ មុខរបរសិស្ស /ទី៣-ឈ្មោះ ឡុង វណ្ណា ភេទប្រុស អាយុ១៤ឆ្នាំ មុខរបរសិស្ស /ទី៤-ឈ្មោះ គឹម ពិទូ ភេទប្រុស អាយុ១៤ឆ្នាំ មុខរបរសិស្ស /ទី៥-ឈ្មោះ កុសល សក្តា ភេទប្រុស អាយុ១៣ឆ្នាំ មុខរបរសិស្ស ទាំង៥នាក់រស់នៅក្នុងស្រុកមោងឫស្សី ខេត្តបាត់ដំបង។
ក្រោយនាំខ្លួនសាកសួរក្រុមក្មេងទំនើងខាងលើត្រូវបានកម្លាំងជំនាញកងរាជអាវុធហត្ថស្រុកមោងឫស្សី ធ្វើការអប់រំណែនាំធ្វើកិច្ចសន្យា និងបានអញ្ជើញអាណាព្យាបាលនិងអាជ្ញាធរឃុំមកធានាយកទៅលំនៅដ្ឋានវិញរៀងៗខ្លួនផងដែរ។
