មនុស្សប្រុសស្រី០៣នាក់ រងរបួសធ្ងន់ស្រាល ក្នុងហេតុការណ៍ម៉ូតូពីរគ្រឿងបុកគ្នា

បាត់ដំបង ៖ យ៉ាងហោចណាស់មនុស្សប្រុសស្រីចំនួន០៣នាក់ បានរងរបួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍មួយ ដែលកើតឡើងរវាងម៉ូតូ០២គ្រឿងបុកគ្នា នៅវេលាម៉ោង១៩ និង១០នាទី ថ្ងៃទី១០ ខែមីនា ឆ្នាំ២០២៤ នៅចំណុចផ្លូវបំបែកមួយកន្លែង ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។

ប្រភពពីកន្លែងកើតហេតុបានប្រាប់ថា នៅមុនពេលកើតហេតុគេឃើញម៉ូតូម៉ាកហុងដាឃ្លិចពណ៌សមួយគ្រឿង ពាក់ផ្លាកលេខ បាត់ដំបង 1AQ-3323 បើកបរដោយស្ត្រីម្នាក់ និងអ្នករួមដំណើរម្នាក់ក្នុងទិសដៅពីលិចទៅកើត លុះមកដល់ចំណុចកើតហេតុ ភ្លាមនោះក៏មានម៉ូតូម៉ាកវ៉េវ ពណ៌ខ្មៅមួយគ្រឿង ពាក់ផ្លាកលេខ បាត់ដំបង 1AO-6784 បើកបរដោយបុរសម្នាក់ ក្នុងទិសដៅពីជើងទៅត្បូង ក្នុងល្បឿនយ៉ាងលឿនក៏ជ្រុលទៅបុកពេញទំហឹងបណ្តាលអោយដួលរងរបួសធ្ងន់ស្រាលទាំងបីនាក់តែម្តង។

ក្រោយពេលកើតហេតុ ភាគីទាំងសងខាងបានធ្វើការសម្របសម្រួលគ្នា ដោយភាគីខាងម៉ូតូវ៉េវជួយចេញថ្លៃខូចខាតអោយខាងម៉ូតូឃ្លិចចំនួន ៦៥ម៉ឺនរៀលដើម្បីបញ្ចប់រឿងនៅនឹងកន្លែងកើតហេតុផងដែរ៕
ដោយ ៖ សាលី