ចុះឆក់ត្រីខុសបចេ្ចកទេស បណ្តាលអោយឆក់ខ្លួនឯងស្លាប់ យ៉ាងអាណោចអាធ័ម

បាត់ដំបង ៖ បុរសម្នាក់សង្ស័យថា បានលួចប្រើប្រាស់ឧបករណ៍ខុសច្បាប់ ចុះឆក់ត្រីខុសបច្ចេកទេស បណ្តាលអោយឆក់ខ្លួនឯងស្លាប់ នៅក្នុងប្រឡាយយ៉ាងអាណោចអាធ័ម។

ហេតុការណ៍គួរអោយភ្ញាក់ផ្អើលខាងលើនេះ បានកើតឡើងកាលពីវេលាម៉ោង១២និង០០នាទី ថ្ងៃទី០៧ ខែមីនា ឆ្នាំ២០២៤ នៅចំណុចក្រុមទី០៦ ភូមិអូរតានប់ សង្កាត់ក្តុលដូនទាវ ក្រុងបាត់ដំបង ដែលជនរងគ្រោះមានឈ្មោះ បឿន ស៊ុយ ភេទប្រុស អាយុ២៨ឆ្នាំ មានទីលំនៅក្នុងក្រុមទី៤ ភូមិអូរតានប់ សង្កាត់ក្តុលដូនទាវ ក្រុងបាត់ដំបង។

ក្រោយពេលកើតហេតុ កម្លាំងប៉ុស្តិ៍នគរបាលរដ្ឋបាលក្តុលដូនទាវ បានចុះទៅពិនិត្យធ្វើកោសល្យវិច័យឃើញថា សពស្លាប់ដោយមានឧបករណ៍ឆក់ត្រីជាប់នឹងខ្លួន ក្រោយមកសមត្ថកិច្ចបានសន្និដ្ឋានថា ជនរងគ្រោះពិតជាស្លាប់ ដោយឆក់ជាមួយឧបករណ៍ឆក់ត្រីពិតប្រាកដ បន្ទាប់មកបានប្រគល់អោយក្រុមគ្រួសារយកធ្វើបុណ្យតាមប្រពៃណី ៕
ដោយ ៖ សាលី